想搵一隻貼心、適合香港家居生活，又超級可愛嘅小型犬？咁你絕對唔可以錯過西施狗 (Shih Tzu)——佢唔只係一隻寵物，仲係療癒系嘅陪伴高手！
西施狗體型嬌小，個名嚟自中文「小獅子」，以前亦因為毛髮由鼻向外生長，好似菊花咁，所以有個花名叫「菊花犬」。佢哋源自中國，血統嚟自西藏拉薩犬同北京狗，曾經係皇室貴族嘅心頭好。
隨住時間過去，西施狗喺1930年代傳到西方世界，並喺 1969 年獲得美國犬業俱樂部 (AKC) 正式認可，成為全球廣受歡迎嘅伴侶犬之一。
接下來，就等我哋一齊深入認識呢位外貌迷人、個性討喜嘅西施狗啦！
西施狗外型特徵：體型、毛色與面部特點
| 特徵項目 | 描述 |
|---|---|
| 身高 | 約 21–27 cm |
| 體重 | 約 4–7 kg（有啲可達 10 kg） |
| 頭部 | 闊、圓、短鼻，黑色鼻頭 |
| 眼睛 | 又大又圓、眼距闊、有神情 |
| 耳仔 | 長垂耳、毛量豐富 |
| 毛髮 | 雙層毛，面層長毛，底層有密絨毛，顏色多變 |
| 尾巴 | 毛量豐富，捲曲喺背脊上面 |
Sale!
西施狗性格：適合做家庭犬嗎？
西施狗性格溫和，係非常適合室內飼養嘅小型犬之一。
- 親人痴身：天生渴望陪伴，鍾意黐住主人，成日主動討摸，係極度需要愛嘅伴侶犬。
- 敏感易吠：對陌生聲音或環境變化反應好快，警覺性高，有做看門狗嘅潛質，但亦因此容易亂吠，需要由細訓練。
- 情感細膩：好識睇主人眉頭眼額。當你唔開心或攰嗰陣，佢哋會默默行埋嚟，用溫暖嘅眼神陪住你，係天生嘅心靈治療師。
- 有啲固執但唔笨：雖然西施狗喺犬類智商排名約 70，但呢個唔代表佢哋蠢，而係比較有性格，訓練時需要更多正向鼓勵同耐性去引導。
Sale!
西施狗 vs 摩天使：點樣快速分辨？
| 項目 | 西施狗 | 摩天使 |
|---|---|---|
| 毛色 | 多種顏色（白、啡、黑、灰等組合） | 淨係得純白色 |
| 毛質 | 雙層毛，底層有絨毛，比較蓬鬆 | 單層毛，毛髮好似絲咁柔順 |
| 臉型 | 闊面、扁鼻 | 面形較尖、鼻樑較長 |
| 個性 | 活潑、親人、有主見 | 溫和、極度痴身、愛撒嬌 |
西施狗優缺點總整理：養前必睇
西施狗優點
- 體型細小，適合香港家居環境
- 運動需求唔高，每日散步就夠
- 非常親人友善，情感連結強
- 適應力高，對環境轉變適應得快
西施狗缺點
- 長毛需要每日梳理，美容開支大
- 容易有分離焦慮症，唔適合長時間獨處
- 天生短鼻，要小心呼吸道、眼睛同皮膚問題
- 警覺性高易吠叫，需要由細個開始訓練
Sale!
西施狗好唔好養？新手適合嗎？
總括嚟講，西施狗係屬於好養嘅狗狗類型！
但如果睇完優缺點，仲係唔知西施狗適唔適合你，以下幾個問題可以幫你快速判斷：
- 你願唔願意每日花時間幫佢梳毛同清潔面部？
- 你平時作息穩唔穩定、係咪大部分時間有人喺屋企？
- 你接唔接受到佢對聲音敏感、有機會吠叫嘅個性？
- 你有冇能力負擔佢潛在嘅醫療費用（呼吸道、眼睛、皮膚）？
如果你對以上問題多數都答「Yes」，咁西施狗會係你好棒嘅家庭夥伴；相反，如果你經常OT、生活忙碌，或者對毛髮打理冇乜耐性，咁也許可以考慮其他照顧需求較低嘅犬種！
西施狗健康問題與壽命
西施狗壽命約 10 – 16 年，如果照顧得好，有啲可以活到 18 歲以上。
以下係西施狗常見嘅健康問題，主人應提前了解同預防：
| 健康問題 | 說明 | 症狀 | 照顧方式 |
|---|---|---|---|
| 短吻呼吸道症候群 | 扁鼻導致呼吸道狹窄，係短鼻犬常見問題 | 呼吸困難、瞓覺扯鼻鼾、運動後易喘氣 | 夏天避免高溫、唔好劇烈運動，嚴重時需手術改善 |
| 眼睛問題 | 眼仔大又突出，易受刺激或感染 | 乾眼症、白內障、角膜潰瘍、淚痕多 | 每日清潔眼角，定期檢查，必要時用藥水或手術 |
| 皮膚問題 | 雙層毛+面部皮膚摺位，易焗住濕氣惹細菌 | 皮膚炎、濕疹、紅腫甩毛 | 保持乾爽清潔，用專用沖涼液，定期睇獸醫 |
| 口腔疾病 | 小型犬常見，牙齒擠迫，易積牙石 | 口臭、牙肉紅腫、唔肯食嘢、甩牙 | 每星期最少刷牙3次，配合潔齒小食或洗牙 |
| 骨關節疾病 | 骨架嬌小、遺傳因素導致關節退化 | 膝關節移位(菠蘿蓋移位)、椎間盤病變 | 控制體重，避免跳高跳低，必要時做物理治療或手術 |
良好嘅日常保健同定期身體檢查，有助延長西施狗壽命同提升生活質素。
主人亦應時刻觀察佢哋嘅日常行為變化，及早發現問題，及早就醫！
每日一條輕鬆補足狗狗營養👉【毛掌醫學】純魚油 保健肉泥 | 寵物魚油 貓狗適用
西施狗照顧重點整理：美容、飲食與運動
- 毛髮護理：每日梳毛，每月沖涼，避免打結同皮膚病
- 飲食管理：揀高質素狗糧，避免高脂同人類食物
- 耳仔同眼仔清潔：定期清潔耳道同眼角，避免發炎同淚痕
- 刷牙習慣：每星期 3 次以上，預防牙石
- 運動需求：每日短程散步同互動遊戲就足夠
- 消暑措施：避免高溫環境，注意通風同補充水份
西施犬幼犬嘅個性同訓練建議
- 西施狗 BB 時期通常活潑、好奇心重，對聲音同環境比較敏感，容易有吠叫或受驚反應。
- 由 2～3 個月大開始進行基本訓練，例如定點去廁所同簡單指令 (Sit、Stay)，有助建立規律生活。
- 幼犬好奇心強，可能會亂咬嘢，建議提供安全嘅玩具並監督引導。
- 呢個階段亦係社會化黃金期，可以安排佢多啲接觸人或其他寵物，避免大個咗之後過度膽小或有攻擊性。
Sale!
西施狗食咩好？
A：無論係西施狗BB、成犬定老犬，都需要營養滿分嘅主食，先可以維持身體機能同健康！
HeroMama 透過記錄超過百隻毛孩嘅飲食偏好，研發出既美味又健康嘅配方，唔單止能夠提供狗狗需要嘅營養，亦滿足到唔同年齡揀嘴毛孩嘅需求。
2023 年推出嘅 犬用益生菌凍乾晶球糧，利用獨家晶球技術，將 22 種益生菌包喺晶球入面，再同乾糧混合，令毛孩體驗「晶球＋凍乾＋乾糧」嘅完美結合，無論營養定適口性都大大滿足。
2024 年推出嘅 天然蔬果肉鬆糧，每粒乾糧都均勻包住無調味肉鬆，再加入天然凍乾蔬果營養配方，令狗狗啖啖都係滿滿嘅美味同滿足感。
HeroMama 狗狗乾糧嘅優點：
- 根據 AAFCO/NRC 營養標準製作：每款主食都根據專業營養標準製作，適合各年齡層嘅狗狗作為每日主食。
- 方便嘅購物體驗：你可以直接喺官網購買，我哋提供便利店取貨付款或送貨上門等多種方式。
- 顧客保障：我哋提供 15 天購物信心保證，令顧客買得更放心。
想知道【狗糧推薦】可睇：【2025 最新】狗糧推薦懶人包！13 款熱銷狗糧挑選指南
參考資料
- https://www.akc.org/dog-breeds/shih-tzu/
- https://www.webmd.com/pets/dogs/what-to-know-about-shih-tzus