貓貓嘅叫聲係佢哋與人類溝通嘅重要方式，其中「凹嗚」係一種中低音、拖長而且帶有情緒嘅叫聲。
呢種聲音往往係貓貓想表達需求、壓力，或者身體唔舒服嘅信號：
表達需求
肚餓、口渴、想玩、想出街或單純想你理下佢，都可能透過一聲長長嘅「凹嗚」嚟提醒你。
情緒反應
焦慮、不安、分離焦慮、新環境適應不良，都可能令貓貓用叫聲嚟發洩情緒。
身體唔舒服
覺得痛、生病或其他唔舒服嘅狀況，係貓貓用聲音求救嘅方式之一。
接下來本文將會依照貓貓唔同性別、狀態與狀況，深入分析佢哋發出「凹嗚」聲嘅各種可能原因同應對方法，幫你更了解主子嘅真正心聲。
公貓一直凹嗚係咩意思？
當公貓一直發出「凹嗚」聲時，最常見嘅原因包括發情期嘅求偶行為、想撒嬌或者爭取你嘅關注，甚至係身體上嘅唔舒服同疼痛。
應對方式
- 盡早絕育，減少發情行為
- 安排日常互動時間，滿足佢嘅社交需求
- 若異常情況持續，需立即睇獸醫檢查
貓乸一直凹嗚係咩意思？
貓乸「凹嗚」叫嘅原因，最常見係發情，佢哋會周圍磨蹭、典嚟典去並且叫得特別大聲。亦有可能係太依賴主人，想撒嬌或者想你陪時發出溫柔嘅叫聲。
如果佢生病或唔舒服，叫聲會變低沉、哀怨，甚至會匿埋唔見人。仲有一種情況係環境變化太大，好似搬屋或者屋企有新成員，都會令貓乸感到煩躁不安，用叫聲表達壓力。
應對方式
- 建議進行絕育手術，降低發情與疾病風險
- 提供費洛蒙、互動玩具同遊戲時間
- 檢查有無食慾不振、異常行為，必要時睇醫生
- 若環境有變動，畀佢適應時間同穩定嘅生活節奏
幼貓一直凹嗚係咩意思？
幼貓凹嗚叫都可能係因為進入發情期，通常由五到六個月大開始出現。
亦有可能係因為感冒或者身體唔舒服而發出求救聲，啱啱到新環境嘅幼貓會因為陌生與不安而叫個唔停，而有啲貓 B 甚至會因為掛住阿媽而發出這種聲音，尤其係喺需要安全感或者想撒嬌嘅時候。
應對方式
- 適齡絕育可避免未來行為同健康問題
- 檢查有無打噴嚏、流鼻水、眼睛分泌物等感冒症狀
- 提供匿埋嘅地方同玩具，幫助適應新環境
- 畀足安全感同陪伴，等佢安心建立信任
絕育貓一直凹嗚係咩意思？
絕育後嘅貓貓有時仍會發出凹嗚叫聲，呢個通常係因為手術一段時間後體內荷爾蒙仲喺度調整，可能令佢哋變得情緒比較敏感，亦特別黐人。
不過，如果叫聲持續不斷，仲伴隨住精神狀況變差、無胃口或者其他異常行為，亦有可能係身體出狀況嘅警號，建議盡快請獸醫檢查確認。
應對方式
- 觀察行為變化同精神狀況
- 提供互動與玩樂，轉移注意力
- 定期身體檢查與就醫
流浪貓一直凹嗚係咩意思？
流浪貓或街貓發出凹嗚聲，可能係喺發情期想吸引異性，亦可能係因為肚餓、受傷或生病而向人求助。
有時佢哋感到害怕、受到威脅，亦會用叫聲作為防衛。長期生活喺唔穩定嘅環境入面，壓力太大都會令佢哋不停叫喊。
應對方式
- 若喺安全情況下可提供食物或水
- 聯絡動物救援機構協助（如愛護動物協會 SPCA）
貓一直凹嗚常見 QA
Q1：貓貓磨蹭又一直叫，係發情嗎？
A：可能係，但亦可能係親暱行為。觀察有無發情伴隨動作好似翹 pat pat、磨蹭等。
Q2：貓貓越叫越大聲點算好？
A：先確認係咪身體問題，若無就要保持冷靜，叫時唔好理佢，安靜時給予獎勵，建立正向關聯。
Q3：貓貓成日凹嗚唔停正常嗎？
A：短期內可接受，但若持續幾日或伴隨異常行為，應盡快睇獸醫檢查。
Q4：老貓成日喺半夜叫，係咪出咗問題？
A：可能與認知退化（老人痴呆）有關，請與獸醫討論是否需要行為或藥物介入。
Q5：原本鍾意叫嘅貓突然變得很安靜？
A：可能為身體異常警號，例如上呼吸道感染、甲狀腺疾病，建議盡快檢查。
「凹嗚」唔止係聲音，而係貓貓情緒嘅出口。
學識聽懂呢啲聲音背後嘅含義，係每位主人照顧貓貓嘅重要功課，透過觀察、互動與適當嘅醫療護理，等我哋同主子嘅關係更親密啦！
你可能仲想睇
參考資料
- https://palosanimalhospital.net/cat-yowling/
- https://www.catster.com/cat-behavior/cat-yowling-sound-and-meaning/
- https://vcahospitals.com/know-your-pet/the-cats-meow-caterwauling-in-cats