狗狗嘅日常飲食需要均衡營養，而肉類係佢哋不可或缺嘅蛋白質來源。但唔同種類嘅肉對狗狗健康影響都有分別，你又知唔知邊種最啱你隻毛孩？
如果你正煩惱緊應該揀邊種肉畀狗狗食，不妨睇下呢 6 種常見肉類嘅優點同注意事項，等你嘅愛犬既可以享受美味，又可以吸收滿滿營養！
（一）經典之選：雞肉
雞肉係狗狗最常見嘅食材之一，提供豐富優質蛋白質，亦係好多狗糧同零食嘅主要成分。
如果你隻狗對雞肉冇過敏，適量攝取可以補充蛋白質、維他命同鋅等重要營養，有助維持健康，係非常受歡迎嘅優質肉類！
（二）易消化推薦：魚肉
魚肉唔單止富含優質蛋白質，仲有維他命、礦物質，以及對心血管同皮毛健康好有益嘅 Omega-3 脂肪酸。此外，煮熟嘅魚肉比其他肉類更容易消化，對腸胃敏感嘅狗狗特別適合。
但要留意魚嘅種類，應避免揀大型魚類，例如鯊魚、吞拿魚，因為呢啲魚可能積聚較多水銀等重金屬。另外，唔建議畀狗狗食魚生，以免感染細菌，影響健康。
（三）補充能量：牛肉、豬肉、羊肉
牛肉、豬肉同羊肉屬於「紅肉」，含有豐富蛋白質同維他命，特別係鐵質，對補血同提升活力非常重要。
不過，呢三種肉嘅脂肪含量普遍較高，建議要揀瘦肉部位，避免攝取過多脂肪，造成肥胖或健康負擔。
延伸閱讀：狗狗食羊肉得唔得？好處壞處、安全煮法及過敏須知全攻略
（四）低致敏之選：鴨肉
如果你隻狗對雞肉或牛肉過敏，鴨肉可能係更理想嘅選擇。鴨肉含有豐富蛋白質、維他命及礦物質，而且飽和脂肪含量較低，比較容易消化，係一種低致敏又富營養嘅肉類。
雖然狗狗冇絕對唔食得嘅肉，但每隻狗嘅體質都唔同，建議餵食新食材前，先諮詢獸醫意見，確保適合你隻狗狗。
狗狗可以食生肉嗎？有咩風險？
生肉可能帶有沙門氏菌等細菌，直接餵食生肉好容易搞到狗狗嘔吐、肚痾，甚至引發嚴重感染，所以一般都唔建議。
如果想畀狗狗食新鮮肉類，建議揀徹底煮熟嘅肉，或者信譽良好嘅主食糧，確保營養均衡之餘，亦能減低細菌風險。
點樣先可以畀狗狗安心食肉？4大關鍵步驟！
想畀狗狗健康咁享受肉類？跟住呢 4 個簡單步驟，確保狗狗食得開心又安心！
第一步：評估狗狗健康狀況
先確認狗狗有冇過敏、糖尿病或肥胖等問題，揀選適合嘅肉類同餵食方式，有需要就先諮詢獸醫，確保安全。
第二步：去骨、去肥膏
避免用煮熟嘅骨頭，因為容易碎裂拮傷消化道。同時要切走過多嘅肥膏，減輕身體負擔。
第三步：必須徹底煮熟
將肉類徹底煮熟可以殺死細菌，並確保唔好落任何調味料，例如鹽、蒜頭、洋蔥等，以免對狗狗有害。
第四步：切成適合入口嘅大細
根據狗狗嘅體型同咀嚼能力，將肉切成適合入口嘅大細，避免哽親，食得更安全。
冇時間準備？HeroMama 幫你搞掂！
想畀狗狗食得健康又慳時間？HeroMama 3in 犬用鮮食飯盒 等狗狗可以輕鬆享受美味！
提供田園雞、鮮嫩鴨、羊小排、菲力牛 4 種口味，配搭機能配方，滿足狗狗嘅營養需求！
參考資料
