呢啲經典卡通你實睇過，但你又知唔知入面啲狗狗角色嘅真實品種係咩？今日就同大家一齊揭秘5大超人氣卡通狗嘅真實身份，睇下你估得中幾多個！😆
全球知名嘅Snoopy，最初登場時其實係一隻正常四隻腳行路嘅狗卡通角色！
但後來，佢「攤喺紅色屋頂上」嘅形象實在太深入民心，成為無數人童年回憶中嘅經典。
究竟史努比是什麼品種的狗？冇錯，Snoopy 嘅品種就係比高犬 (Beagle)，呢種狗狗品種出名活潑、聰明，仲有超靈敏嘅嗅覺！
角色二：小白
「小白～小白～」係咪即刻諗起小新大嗌小白嘅可愛畫面？呢隻溫馴又忠心嘅狗狗，時刻都陪喺野原新之助身邊，雖然間唔中會被小新整蠱，但依然默默守護住主人。其實，小白品種並無官方設定，但外形同比熊犬 (Bichon Frise) 或 瑪爾濟斯 (Maltese) 都非常相似，都係毛茸茸嘅白色小狗！
角色三：獅子狗 (獅子丸)
嚟自《忍者小靈精》嘅獅子狗，係主角服部貫鄉嘅好拍檔！佢嗰身蓬鬆嘅毛髮，一睇就令人聯想到鬆獅狗 (Chow Chow)。呢種狗狗不單止毛量豐厚，外形酷似小獅子，仲有強烈嘅保護意識同忠誠度，係非常有性格嘅狗 品種！
角色四：呀Jake (老皮)
《探險活寶》入面搞笑又神通廣大嘅呀Jake (老皮)，其實係一隻有變形能力嘅神奇狗狗！而佢嘅品種原型係英國老虎狗 (English Bulldog)。雖然現實中嘅老虎狗唔識好似呀Jake咁變形，但佢哋天生體格壯碩、個性穩重，絕對係超級忠心嘅好夥伴！
角色五：布甸狗 (布丁狗)
布甸狗 (Pompompurin) 係 Sanrio 嘅超人氣角色之一，圓碌碌嘅身形、懶洋洋嘅表情，真係萌到犯規，令人見到就想攬實！其實，布甸狗嘅品種係金毛尋回犬 (Golden Retriever)，呢種狗狗不但親人友善，仲係世界知名嘅導盲犬品種，智商高又溫和，非常適合作為家庭犬！
Bonus 角色：喳喳 (恰恰)
仲記唔記得《齊齊玩、轉轉轉》呢套溫馨感人嘅動畫？呢隻可愛嘅狗狗「喳喳」，守護住小主人阿寶一齊成長，每一集都超級治癒！佢嘅外形同金毛尋回犬混種十分相似，忠誠、溫暖，陪伴主人度過每個難忘時刻，係無數人嘅童年回憶！