你屋企隻狗狗係咪都試過突然**「肚痾」**？呢個係好多主人都會遇到嘅狀況。由食錯嘢、轉狗糧等情況，都有可能搞到狗狗肚痾。
雖然狗肚痾好常見，但都唔可以掉以輕心。有啲情況只係小問題，但如果忽略咗就可能會變大件事。而家就跟住我哋一齊搵出狗狗肚痾嘅原因，學識點樣對症下藥啦！
狗狗肚痾嘅4大主因
（一）飲食因素
1. 轉狗糧唔適應
突然轉晒新嘅狗糧，狗狗腸胃可能會大抗議！
有啲狗狗對新食物適應得比較慢，一次過換晒原本食開嘅糧，就好容易搞到肚仔唔舒服。建議用 7 日時間慢慢轉糧，將新舊糧溝埋一齊餵，畀腸胃有時間慢慢習慣。
想知【狗狗轉糧流程】可以睇：貓狗轉糧嘅正確流程！主子唔肯食、肚痾點算好？
2. 食得太多、太快
有啲狗狗食飯好似打仗咁，一下子食得太多、太快，結果腸胃頂唔順就肚痾。可以用 慢食兜、減慢佢食飯速度，或者將一餐分開幾次餵，幫佢哋消化得順利啲。
3. 食到變壞嘅食物
如果你鍾意整鮮食、或者餵生肉糧畀狗狗食，就要注意食材有冇變壞，同埋存放方式係咪夠衛生。
只要唔乾淨，都可能會惹到寄生蟲或細菌，全部都有機會搞到狗狗肚痾甚至中毒！
4. 唔小心食咗異物或禁忌食物
好似朱古力、提子、洋蔥呢啲狗狗絕對唔食得嘅嘢，可能會令佢哋嚴重肚痾或中毒！
另外仲有膠袋、玩具、襪（冇錯，真係有狗會食襪）呢啲異物，都會造成肚痾或腸道阻塞。
想知【狗狗唔食得咩】可以睇：狗狗唔可以食啲咩？21 種狗狗食咗會中毒嘅食物！
（二）心理及生理因素
1. 環境改變
有啲狗狗其實對環境好敏感，只要搬屋、屋企有新成員，甚至大掃除都可能令佢緊張到肚痾。
2. 轉季天氣變化大
天氣一時凍一時熱，唔只人會感冒，狗狗腸胃都容易受影響，尤其係腸胃本身比較弱嘅狗狗，都可能因為轉季唔適應而肚痾。
3. 腸胃天生比較弱
有啲狗狗天生腸胃就比較敏感，食到少少難消化嘅嘢就會肚痾，呢啲情況就算食益生菌都未必即時改善到。
如果你嘅狗狗屬於呢種類型，記得要先問獸醫意見，喺飲食上特別注意，先可以避免反覆肚痾。
想知【狗狗食物過敏】可以睇：狗狗食物過敏懶人包：常見 3 種致敏食材同改善方法！
（三）感染或疾病因素
1. 急性感染
如果被寄生蟲（例如蛔蟲、鉤蟲）或病毒、細菌感染，都可能會令狗狗肚痾同冇精神。
2. 慢性疾病
如果狗狗長期反覆肚痾，仲有埋噁心、冇力等症狀，可能係患上腸胃炎、胰臟炎，或者肝、腎等器官有問題，一定要畀獸醫好好檢查。
3. 藥物副作用
有啲狗狗食完藥會刺激到腸胃而導致肚痾，如果你發現狗狗食藥後開始肚痾，要記得覆診時同獸醫反映。
（四）年齡因素
1. 幼犬肚痾
小狗嘅腸胃好似BB仔咁，未完全發育好，對環境變化、轉食物、甚至少少驚嚇都可能搞到幼犬肚痾。
而且幼犬身體水份少、抵抗力弱，痾一兩次就好容易脫水或者血糖過低，所以千祈唔好拖，快啲帶去畀獸醫檢查最穩陣！
想睇【幼犬糧推薦】可以睇：【2025最新】幼犬糧推薦！9 款人氣幼犬糧品牌懶人包
2. 老犬肚痾
老狗嘅身體機能會減慢，腸胃同免疫系統都冇後生嗰陣咁強壯，好易因為慢性病或消化不良而經常肚痾。
如果你屋企嘅老狗開始頻繁肚痾，千祈唔好當係小問題，最好盡早求醫檢查下，睇下係咪身體出咗狀況。
狗狗肚痾要睇大便顏色？黑色或紅色要即刻求醫？
狗狗肚痾嘅時候，大便顏色係一個重要線索。到底咩顏色算正常？咩顏色又可能係身體出問題嘅警號？
下面我哋一齊嚟睇下各種常見嘅大便顏色代表啲咩：
（一）啡色
啡色係健康嘅標準大便顏色，如果仲係條狀，代表狗狗消化系統大致正常。
但如果顏色啱，但狀態係軟便或水狀，咁可能係消化不良，或者有寄生蟲，建議要多加觀察。
（二）橙黃色/黃色
橙黃色通常關食得太多碳水化合物事，例如飯、粟米或豆類。
但如果大便睇落好油、好黏，或者有橙色一點點，就可能係消化不良或腸胃、肝膽出問題。
（三）綠色
可能係狗狗食咗太多綠色蔬菜，亦可能係膽汁分泌過多或肝功能有問題。
呢種情況建議觀察幾日，如果顏色慢慢變返啡色，通常冇大礙；但如果一直都係綠色，就要去睇獸醫喇！
（四）紅色 (帶血)
如果狗狗食過火龍果、紅菜頭呢類食物，可能係**色素**影響。
但如果冇食過紅色嘢，但出現**狗狗肚痾血**絲或鮮紅色大便，就要非常注意，可能係大腸或肛門附近有損傷，或者係下消化道出血，建議盡快睇醫生！
（五）黑色
黑色大便可能係食咗含鐵量高嘅食物或補充劑，例如牛肉、內臟。
不過如果唔關飲食事，而且出現黑色、好似瀝青咁黏嘅大便，就好可能係上消化道出血（例如胃出血），血液經過消化後變成黑色。呢種情況非常危險，一定要即刻求醫！
（六）灰白色
灰白色嘅大便代表狗狗可能有膽管阻塞、肝臟出問題，導致膽汁排唔到出嚟。
呢種大便好少見，但一出現就唔可以拖，建議馬上安排睇醫生。
想知【狗狗大便點樣睇】可以睇：狗狗軟便點處理？了解7種大便形態｜腸胃健康護理全攻略
狗狗肚痾但精神好好？5大情境全分析！
（一）狗狗肚痾但精神好好？
狗狗肚痾但精神好好，通常唔係緊急情況，可能係因為飲食唔適應、食得太快等小問題。建議先畀狗狗腸胃休息下（短暫禁食），確保有乾淨嘅水飲，再逐步恢復正常飲食。
不過即使狗狗睇落冇嘢，都唔可以完全忽視，如果肚痾持續超過 1 日或出現其他症狀，都應該盡快求醫！
（二）狗狗肚痾但胃口正常？
同肚痾但精神好嘅情況類似，如果胃口正常通常唔使太擔心，但主人都唔可以掉以輕心，要持續觀察肚痾情況有冇加劇，有需要就要睇獸醫。
（三）狗狗肚痾兼係咁飲水？
狗狗肚痾會流失大量水份，自然會係咁飲水補充。呢個時候主人一定要確保狗狗隨時有乾淨嘅水飲。
同時要觀察有冇脫水跡象，例如牙肉乾、冇精神等。如果你覺得佢飲好多水但依然好虛弱，就要快啲睇醫生喇！
（四）狗狗持續肚痾？
如果狗狗肚痾超過 24 – 48 小時，就唔係單純飲食問題咁簡單。
好可能係感染、慢性病或腸胃嚴重發炎，痾太耐唔單止會脫水，仲可能導致電解質失衡，呢種情況建議直接畀獸醫檢查！
（五）狗狗又嘔又痾？
又嘔又痾，基本上等於狗狗身體發出嘅緊急求救訊號！
可能係急性腸胃炎、食物中毒，甚至係食錯有毒嘅嘢。總之千祈唔好再拖，即刻帶狗狗去睇獸醫係最正確嘅選擇。
狗狗肚痾點算好？常見問題解答！
（一）狗狗肚痾應該點處理？
發現狗狗肚痾唔使慌，第一步係觀察佢嘅精神同食慾有冇異常。
如果只係輕微肚痾，精神仲好好、蹦蹦跳跳，食嘢飲水都正常，可以先觀察下。不過如果痾足一日都冇改善，都係搵獸醫幫手比較穩陣。
可以按照獸醫指示短暫禁食、轉食清淡啲，同時確保飲夠水。有需要嘅話，狗肚痾食益生菌亦有助消化。切記千祈唔好自己亂餵狗肚痾藥！
（二）狗狗肚痾一定要睇醫生？
如果只係痾 1 – 2 次，情況唔嚴重，狗狗睇落都好正常，咁可以先觀察。
但如果肚痾超過 24 小時都未好，或者加上冇精神、發燒、嘔等症狀，就建議快啲去睇醫生喇！
（三）狗狗肚痾會唔會死？
呢個問題聽落好得人驚，但答案係：如果嚴重又唔理，真係有機會致命！
尤其係幼犬或老狗，痾太耐會嚴重脫水，甚至引發休克或器官衰竭，可以有生命危險。
所以肚痾絕對唔係小事，及早處理先至安心。
（四）狗狗肚痾使唔使禁食？
有時輕微肚痾，可以考慮畀狗狗短暫禁食 12-24 小時（水唔可以禁！），等腸胃休息下。
但如果係幼犬、老狗或本身有慢性病嘅狗狗，千祈唔好自己決定禁食，一定要先問獸醫，避免搞到仲衰！
狗狗肚痾食咩好？日常保健靠呢招！
狗狗肚痾如果排除咗食錯嘢、疾病感染等外在因素，好大機會就係本身腸胃唔好。
想改善狗狗腸胃狀況，主人除咗要保持食物乾淨、避免致敏食材外，亦建議可以畀佢哋食益生菌或腸胃保健品，從日常補充營養，保護腸胃健康。
例如 毛掌醫學 狗狗腸胃健康益生菌 專為腸胃敏感狗狗而設，內含優質益生菌、黃金比例 4 纖維、綜合消化酵素等營養，幫手養好腸道環境，令消化更暢順！
狗狗糧點樣揀？嚟 HeroMama 買就無錯！
HeroMama 透過記錄超過百隻毛孩嘅飲食偏好，研發出既美味又健康嘅配方，唔單止能夠提供狗狗需要嘅營養，亦滿足到唔同年齡揀嘴毛孩嘅需求。
我哋早前推出嘅 犬用益生菌凍乾晶球糧，利用獨家晶球技術，將 22 種益生菌包喺晶球入面，再同乾糧混合，令毛孩體驗「晶球＋凍乾＋乾糧」嘅完美結合，無論營養定適口性都大大滿足。
而最新推出嘅 天然蔬果肉鬆糧，每粒乾糧都均勻包住無調味肉鬆，再加入天然凍乾蔬果營養配方，令狗狗啖啖都係滿滿嘅美味同滿足感。
HeroMama 狗狗糧食嘅優點：
- 根據 AAFCO/NRC 營養標準製作：每款主食都根據專業營養標準製作，適合各年齡層嘅狗狗作為每日主食。
- 方便嘅購物體驗：你可以直接喺官網購買，我哋提供便利店取貨付款或送貨上門等多種方式。
- 顧客保障：我哋提供 15 天購物信心保證，令顧客買得更放心。
港澳地區嘅朋友都可以輕鬆一鍵下單直送到府上，購物超方便！想了解更多 HeroMama 嘅狗狗乾糧，快啲點擊下方連結或加入我哋嘅官方 LINE，領取好友見面禮啦！
想知【狗糧推薦】可以睇：【2025 最新】狗糧推薦懶人包！13 款熱銷狗糧挑選指南
參考資料
- https://www.petmd.com/dog/symptoms/dog-diarrhea
- https://www.akc.org/expert-advice/health/dog-diarrhea/
- https://vcahospitals.com/know-your-pet/diarrhea-in-dogs
- https://www.vet.cornell.edu/departments-centers-and-institutes/riney-canine-health-center/canine-health-information/diarrhea
- https://www.pdsa.org.uk/pet-help-and-advice/pet-health-hub/symptoms/diarrhoea-in-dogs
- https://www.purina.com/articles/dog/health/digestion/dog-diarrhea-causes-treatment
- https://www.goodrx.com/pet-health/dog/dog-diarrhea
- https://www.nurvc.com/site/blog/2021/08/15/diarrhea-in-dogs