金毛尋回犬全介紹：性格、壽命、價錢、缺點及照顧懶人包

金毛尋回犬（Golden Retriever），或簡稱金毛，係全球最受歡迎嘅中大型家庭犬之一，以其一身金色長毛、親人友善同聰明易教嘅特質而聞名。

無論你係鍾意戶外活動，定係屋企有小朋友，金毛尋回犬都非常適合。佢哋個性溫和、鍾意陪伴，經常被訓練為導盲犬、搜救犬或治療犬。

不過，金毛需要大量嘅運動同陪伴，如果你冇時間帶佢散步、陪佢玩，或者唔想面對嚴重嘅甩毛問題，建議要諗清諗楚。

只要你肯投放時間，金毛尋回犬絕對會成為全家最忠心、最溫柔嘅好夥伴。

金毛尋回犬行出街好難唔引人注目，蓬鬆嘅金毛好似一舊識行嘅太陽，配上一張永遠笑緊嘅臉，總係令人忍唔住話：「好得意，可唔可以摸下？」

佢嘅雙層毛係經典特色：內層保暖，外層微波浪狀仲有防水功能。毛色由奶油白到深金紅色都有，當中較淺色嘅白色金毛尋回犬（奶油色）好似雲咁，同樣屬於金毛家族。

雄性金毛膊頭高約58cm、體重30-34公斤；雌性就細隻少少，膊頭高約54cm、體重25-30公斤。雖然係大型犬，但骨架均勻，好似一個大公仔咁黐住你。

金毛尋回犬嘅壽命平均大約係 10 到 13 年之間。如果由細到大都飲食健康、活動量足夠、定期做身體檢查，好好照顧其實可以活得比想像中更長久，亦活得更舒服。

最後一個大家成日問嘅小分別：點解有啲金毛偏白，有啲就比較金黃？

呢個其實同「英系 vs. 美系」有關。

**英系金毛**毛色偏奶油白，骨架更厚實、性情亦比較穩重；
**美系金毛**就多數係金黃到紅金色，線條比較修長，更熱愛戶外運動。

邊種比較好冇絕對，佢哋都一樣咁親人，都一樣咁愛你，只係風格唔同。

金毛尋回犬嘅性格可以用幾個詞概括：親人、聰明、好脾氣。佢對人類熱情無限，無論係屋企人、小朋友定係陌生人，佢都可以搖住尾巴迎接。

金毛尋回犬嘅高智商並唔係傳說，喺狗狗智商排行榜入面名列第四！

佢哋非常懂得「睇眉頭眼額」，你一個眼神、一個動作，佢可能已經知你下一步想點。

訓練起上嚟非常慳心，只要有零食，幾乎咩都肯學，甚至會搶先一步幫你完成指令。

但真正令人鍾意嘅，係佢嘅「好脾氣」。唔急唔躁，唔多記仇。

對小朋友嘅忍耐力超高——就算唔小心畀細路壓到耳仔，都只會默默行開，唔會咬人反擊。

你會發現，佢其實唔係真係溫馴到冇底線，而係佢用緊自己嘅方式去維繫屋企嘅和諧。

當然，佢都唔係完美嘅。佢超級貪玩、超級為食，有時仲有啲失控。

尤其係飲食方面，佢哋嘅「飽足感」天生比較遲鈍，成日一唔留神就會食過量、食太快，然後開始變肥。

主人需要特別注意餵食份量，唔可以因為佢露出可憐樣就心軟。
[/ux_t

金毛尋回犬bb時期真係超級可愛。

軟綿綿嘅毛、搖搖擺擺咁行路、咬住你條鞋帶唔放嘅樣，好似一粒識行會黐人嘅奶油波。

你會覺得佢咩都唔識，好需要你，但實際上，佢係完全唔會理你。

金毛尋回犬幼犬嘅精力，旺盛到好似開咗外掛。

兩三個月大就會開始亂咬嘢、瘋狂啃你隻手、凌晨三點起身抓門、將啲便便踩到周圍都係。

唔係佢特登搞事，而係佢仲學緊呢個世界嘅規矩，好多嘢佢真係未識。
[/ux_t

呢個時候你唔可以淨係用「溫柔」對待佢。

你要畀佢空間，亦要畀佢規矩，由一開始就建立明確嘅作息時間，開始基本服從訓練。

如果唔係，你屋企好快就會出現一隻超黐人嘅 30 公斤搗蛋鬼，周圍闖禍，仲要一臉天真咁以為自己好得意。

好多人養到三個月就想放棄，唔係因為隻狗唔好，係因為佢哋冇準備好去面對一隻每日喺度拆屋嘅天使面孔小惡魔。

如果你打算由幼犬開始養，請記住——佢頭半年係喺度「發癲」，而你必須要沉得住氣。

雖然金毛畀人嘅印象多數係健康、陽光、有活力，但呢個品種其實有啲天生嘅健康風險，主人需要提早了解、及早預備。
[/ux_t
最常見嘅係髖關節同肘關節發育不良。

有啲金毛由細個跑跳姿勢已經唔多啱，大個咗甚至需要做手術矯正。呢個問題除咗影響活動能力，亦容易引發長期關節炎，對生活質素造成好大影響。
[/ux_t

癌症發生率偏高係金毛尋回犬最大嘅健康風險之一。

根據獸醫統計，金毛嘅腫瘤致死率超過五成，常見嘅包括血管肉瘤、淋巴瘤、肥大細胞瘤等，呢啲都係發展得好快嘅癌症，需要主人有快速做決定嘅心理準備。
[/ux_t

皮膚過敏、濕疹反覆、耳道發炎都好常見，尤其係鍾意玩水、毛多、耳仔又長期耷落嚟嘅金毛。

呢啲問題唔會即時致命，但長期忽略會令狗狗非常唔舒服，亦會變成一筆持續嘅醫療開支。
[/ux_t

甲狀腺功能低下會導致狗狗變肥、變懶、甩毛；

仲有部分金毛可能會出現癲癇發作，或心臟瓣膜狹窄等先天性問題，呢啲都需要長期觀察同定期跟進。
[/ux_t

無論你係由犬舍購買定係領養，都建議揀有健康證明同基因篩檢紀錄嘅來源。日常嘅體重管理、規律嘅身體檢查同適當運動，都可以幫佢活得更長久、更舒服。
[/ux_t
金毛睇落健康陽光，實際上身體有幾處比較脆弱嘅地方。

由關節、皮膚到腫瘤，佢都有機會出事——唔係要你驚，而係希望你提前了解、及早預備。

佢需要嘅，唔只係日常陪伴，仲係一個能夠長期關心佢健康變化嘅屋企人。
[/ux_t

唔好畀佢溫柔嘅樣呃到——佢其實係戶外運動健將。

冇「放電」就會自己搵嘢玩：拆咕𠱸、啃鞋、敲門係咁吠樣樣齊。

最理想嘅節奏係早晚各有三十分鐘以上嘅散步或玩波，再加啲游水、嗅聞遊戲，身心都會舒暢好多。
[/ux_t

金毛一年兩次換毛季節，風筒一開就好似落金色嘅雪；平日亦會不停甩毛。

每日梳毛同每星期吸塵係基本家務，如果唔係你條黑色褲永遠都會好似著咗毛毛護膝。
[/ux_t

金毛尋回犬天生就想同你合作，只要用啱方法、定好規矩，好似「Sit」、「Stay」、「唔准亂食」呢啲日常指令，好快就學得識。愈早開始呢啲基本互動，將來相處起上嚟就愈輕鬆。
[/ux_t
金毛尋回犬最怕就係孤單。如果你返工時間長，屋企長時間冇人，佢可能會因為焦慮而抓門、哀鳴，或者直接拆梳化嚟宣洩——陪伴時間都係飼養成本嘅一部分。
[/ux_t
金毛尋回犬嘅飲食哲學好簡單：有得食，就食到盡。

佢哋超級為食，亦因此特別容易變肥。

一旦體重過重，對佢哋本身就比較脆弱嘅關節嚟講，就係加倍嘅壓力。

唔好睇小佢嗰對楚楚可憐嘅討食眼神，一唔留神，你就會養出一隻關節壓力爆燈嘅快樂肥仔。
[/ux_t

建議以優質蛋白為主、碳水化合物較低、冇過多加工添加物嘅狗糧為主。

想佢食得好又唔易肥，可以參考 HeroMama 嘅肉鬆糧，鮮肉比例高、口味自然，對為食又嘴刁嘅金毛非常友好。
[/ux_t

除咗控制熱量，日常就要開始做好關節保養。你可以揀含有葡萄糖胺、軟骨素或 Omega-3 嘅狗糧，或者額外配搭補充品。

例如 HeroMama 嘅益生菌凍乾晶球糧，係針對成犬設計，可以穩定腸道健康，同時都照顧到關節嘅狗糧！
[/ux_t

成年金毛一日兩餐，幼犬就建議三餐。

呢個唔只係避免佢一次食太快導致胃氣脹或胃扭轉，亦可以減低佢成日黐住你討食嘅慾望。

間中想獎勵佢，水煮雞胸肉、南瓜蓉等都可以；但好似洋蔥、提子、朱古力，就必須永遠列為禁區。

狗狗唔可以食啲咩？21 種常見食物竟然可能致命，主人必睇懶人包！
[/ux_t

例如愛護動物協會(SPCA)、救狗之家(HKDR)等，會為待領養嘅金毛做足健康同行為評估。
[/ux_t
可以留意各大社交平台嘅領養群組，資訊更新快，但需要自行評估來源同狗狗嘅健康狀況。
[/ux_t
領養流程通常包括問卷、面談同家訪，準備好一個安全嘅居住環境，比起一句「好想養」更能打動送養機構。
[/ux_t
喺香港，由信譽良好嘅犬舍或繁殖者購買金毛尋回犬幼犬，價錢大約由 HK15,000至HK30,000 不等，甚至更高。價格受血統、父母健康狀況等因素影響，建議揀選持牌同信譽良好嘅來源。
[/ux_t
每月開支約 HK1,500至HK3,000，包括狗糧（約 HK$800+）、保健品、玩具、醫療儲備金等。金毛尋回犬係大型犬，飲食要注重蛋白質同關節保健，並且要控制體重。
[/ux_t
A：只要你屋企唔係太細，而且你願意每日帶佢散步放電，其實係可以嘅。

雖然香港天氣潮濕又熱，但金毛嘅適應力比你想像中好。只要屋企通風、散步時間避開正午、日常保持毛髮乾爽，佢其實可以活得好自在。