有種狗狗出名精力旺盛、超級好動，甚至有「小鋼炮」、「百厭星」呢啲花名，佢就係積羅素爹利（Jack Russell Terrier）！
積羅素（積羅素犬）係嚟自英國嘅小型獵犬，最初被用嚟喺洞穴入面趕狐狸，需要喺狹窄嘅空間穿梭自如，所以唔好睇佢哋身型細細，爆發力真係唔講得笑！
而家嘅積羅素多數作為伴侶犬，但佢哋仍然保留住工作犬嘅特質，有啲積羅素仲係搜救犬嘅精英份子！如果你都想知更多關於呢隻積羅素狗嘅訓練同照顧技巧，就一定要繼續睇落去～
[/ux_text]
| 身高 | 25 – 30 cm |
| 體重 | 4 – 8 kg |
| 毛髮 | 雙層毛 毛色主要係白色，配搭黑色或啡色斑塊 |
積羅素屬於「小型犬」，標誌性特徵係白色底毛，加埋分佈喺面部同身體嘅斑點，毛質摸上手比較粗糙，甩毛量中等。比較特別嘅係，佢哋嘅毛髮長度分為以下 3 種：
- 平毛（Smooth coat） ：即係「短毛」，全身都係順滑嘅短毛。
- 剛毛（Rough coat）：即係「長毛」，全身都係比較粗硬嘅長毛。
- 碎毛（Broken coat）：俗稱「半長毛」，喺面部、四肢或身體某啲部位有較長嘅毛，其他地方就比較短。
積羅素性格點樣？適合咩類型嘅主人？
（一）精力無限嘅「電兔」
積羅素天生體力充沛、精力無限，好似入滿電咁，需要大量運動嚟「放電」。如果你本身都係個好動、熱愛戶外活動嘅人，積羅素絕對會係你最佳嘅運動拍檔！
（二）又叻又硬頸
積羅素智商好高、學習能力強，可以好快學識新指令。但同時佢哋都好硬頸，有自己諗法，有時可能會扮聽唔到你嘅命令，係非常有性格嘅狗狗！
（三）痴身又玩得
積羅素非常忠誠，一旦認定你係主人，就會全心全意依賴你，甚至有啲痴身，好似「跟屁蟲」咁。佢哋好鍾意同主人互動、玩遊戲，需要一個同樣有活力嘅主人陪佢！
積羅素適合邊啲主人？
- 熱愛運動嘅人：積羅素需要大量運動放電，最啱鍾意行山、跑步、玩戶外活動嘅主人。
- 有耐性嘅人：由於積羅素又叻又硬頸，主人需要有好大耐性，用正向方法持續訓練，同佢哋鬥智鬥力。
- 有足夠時間陪伴嘅人：積羅素係忠誠嘅伴侶犬，好需要人陪，適合願意花時間同佢哋親密互動、一齊玩嘅主人。
養積羅素嘅缺點同挑戰
（一）活動量極大，放電唔夠會出事
積羅素精力極之旺盛，日常活動量需求比一般狗狗大好多。
如果冇足夠運動量，佢哋可能會覺得焦躁不安，繼而引發各種行為問題。
（二）鍾意亂吠，係個「看更」
積羅素作為獵犬，警覺性好高，無論係興奮定有啲風吹草動，都可能會大聲吠叫嚟表達，有時可能會比較嘈。
（三）破壞力驚人，小心變「拆屋專家」
如果積羅素運動量唔夠或者覺得悶，佢哋可能會開始咬爛傢俬或其他物品嚟發洩精力，對屋企物品造成嚴重破壞。
點樣訓練同照顧積羅素？
- 提供足夠嘅放電時間：每日要帶佢哋跑步或長時間散步，幫佢哋消耗過剩精力，避免因為太得閒而焦慮或搞事。
- 做好社會化訓練：由細個開始，就要畀積羅素接觸唔同嘅人同事物，如果表現冷靜就畀獎勵，重複練習可以令佢哋大個咗遇到陌生嘢都唔會亂吠。
- 提供益智玩具：定期同積羅素玩互動遊戲，並提供多啲玩具（例如漏食玩具）嚟吸引佢哋注意力，防止佢哋咬爛傢俬。
積羅素 vs 比高犬 點樣分？
| 品種 | 積羅素 | 比高犬 |
| 體型 | 小型犬 | 中小型犬 |
| 耳仔 | V形垂耳，較短 | 圓形大垂耳，較長 |
| 毛髮 | 分平毛、剛毛、碎毛三種 | 只有短毛 |
| 個性 | 精力旺盛、硬頸好動 | 相對溫馴、為食、服從性高 |
比高犬好似積羅素嘅放大版，兩者都有白配啡、黑嘅毛色，不過耳仔長短好唔同，而且積羅素嘅毛髮種類比比高犬多，個性亦差天共地！
延伸閱讀：【比高犬冷知識】你唔知嘅護國神犬！？
積羅素常見疾病？小心關節問題！
積羅素壽命通常喺 10 – 16 年之間，但會受到健康狀況、生活方式等因素影響。
想佢哋健康咁陪住我哋，一定要了解佢哋常見嘅健康問題，及早預防！
（一）關節疾病
積羅素容易出現同關節有關嘅病，例如髖關節發育不良呢類遺傳病，亦可能患上小型犬常見嘅膝關節異位。
大量活動都有機會令關節、膝頭哥移位，令佢哋行路唔穩，甚至跛腳，影響日常活動。
積羅素關節點樣照顧？
- 畀獸醫檢查同配合治療：定期帶積羅素做關節檢查，尤其隨住年紀增長關節磨損會越大，如果發現有問題，要根據獸醫建議進行治療。
- 適時阻止過度激烈活動：如果已患有關節病，太劇烈嘅運動（例如係咁跳高）可能會加重關節負擔，就算積羅素天性活潑，都要適當限制。
- 補充關節保健品：可以補充關節保健品嚟支持關節活動，例如含有葡萄糖胺、軟骨素等營養嘅產品，有助維護關節健康，長遠維持狗狗嘅活動能力！
（二）眼睛疾病
另一種容易患上嘅遺傳病係原發性晶體異位 (PLL)。
呢個情況會導致積羅素嘅眼睛晶體脫位，造成視力模糊唔舒服，嚴重嘅話更會導致失明。
積羅素眼睛點樣照顧？
- 了解遺傳風險並定期檢查：如果知道積羅素有眼睛遺傳風險，應定期做眼科檢查，及早發現問題。
- 補充眼睛保健品：定期為積羅素補充眼睛相關嘅保健品，例如魚油中嘅 Omega-3 等營養有助維護眼部健康，保護視力。
積羅素食咩好？呢款狗糧營養滿分！
無論係幼犬、成犬定老年犬，都需要營養滿分嘅主食，先可以維持身體機能同健康！
HeroMama 透過記錄超過百隻毛孩嘅飲食偏好，研發出既美味又健康嘅配方，唔單止能夠提供積羅素需要嘅營養，亦滿足到唔同年齡揀嘴毛孩嘅需求。
2023 年推出嘅 犬用益生菌凍乾晶球糧，利用獨家晶球技術，將 22 種益生菌包喺晶球入面，再同狗糧混合，令毛孩體驗「晶球＋凍乾＋乾糧」嘅完美結合，無論營養定適口性都大大滿足。
2024 年推出嘅 天然蔬果肉鬆糧，每粒狗糧都均勻包住無調味肉鬆，再加入天然凍乾蔬果營養配方，令狗狗啖啖都係滿滿嘅美味同滿足感。
HeroMama 狗狗乾糧嘅優點：
- 根據 AAFCO/NRC 營養標準製作：每款主食都根據專業營養標準製作，適合各年齡層嘅狗狗作為每日主食。
- 方便嘅購物體驗：你可以直接喺官網購買，我哋提供便利店取貨或送貨上門等多種方式。
- 顧客保障：我哋提供售後服務，港澳地區嘅朋友都可以輕鬆一鍵下單直送到府上！
想了解更多 HeroMama 嘅狗狗乾糧，快啲點擊下方連結或加入我哋嘅官方 LINE，領取好友見面禮啦！
參考資料
- Jack Russell Terrier Breed: Characteristics, Care & Photos | Chewy
- Jack Russell terrier: features and care of fur – V.O.G DOG
- Do Jack Russells Shed? Coat Care Tips & Facts
- Jack Russell Terrier Dog Breed -Temperament, Personality and Characteristics Traits | Hill’s Pet US
- Jack Russell Terrier: Dog Breed Characteristics & Care
- Jack Russell Terrier Dog Breed Information & Characteristics
- Russell Terrier Dog Breed Information