剛接 狗BB 返屋企，新手主人最頭痕一定係飲食！發育階段嘅 幼犬飲食 主要以少量多餐為主。
至於 幼犬食量計算 點樣最準？最好都係根據體型大小、品種，或者請專業獸醫判斷就最穩陣。
如果你買嘅係品種專用糧，通常包裝袋後面都會有建議食用量。
好似 HeroMama肉鬆糧 咁，就會列出明確嘅每日餵食克數，等主人可以根據 BB狗 體重計好份量，建議餵食量表如下：
| 體重 (kg) | 1 | 3 | 5 | 7 | 10 | 15 | 18 | 20 | 25 | 30 | 40 |
| 建議餵食量 (g) | 56 | 128 | 188 | 242 | 317 | 429 | 492 | 533 | 630 | 722 | 896 |
💡 溫馨提示：平時食飯用開嘅湯羹，一大羹大約係 15 克，如果唔知點樣預份量，可以用湯羹大概量度下！
將每日總份量平均分配到每一餐，大約 2～4 小時餵一次，等 BB狗 大個啲就可以再調整餵食時間同餐數。
想睇更詳細【幼犬食量計算表】可參考：狗狗一日食幾多克？大型犬/中型犬/小型犬餵食份量表，一篇搞掂食量計算！
（二）狗BB唔肯食嘢點算好？
如果幼犬突然唔食狗糧，主人先唔好慌，原因通常有兩種：一係身體唔舒服，二係狗糧問題。
建議先觀察精神狀況，如果呆滯就即刻睇獸醫。如果精神好好只係唔食飯，就可能係狗糧太硬 BB狗 咬唔郁，或者單純挑食唔鍾意隻味。
可以準備幾款唔同口味嘅幼犬糧畀小狗輪流試下，搵出佢嘅心水，亦可以培養多元飲食習慣。
另外，主人記住避免畀幼犬食太多零食同副食罐，BB 嗰陣食慣重口味，正餐就好難搞㗎啦！
想知【狗狗絕食點算】可睇：狗狗唔肯食嘢？幼犬到老犬，一文睇清5大原因、6大情境及解決方法
（三）幼犬可以食成犬糧嗎？
千祈唔好長期食！成犬糧嘅營養規格並不符合 幼犬照顧 及成長所需。偷食一兩啖無所謂，但長期當主食係唔夠營養㗎。
幼犬發育需要大量蛋白質同熱量，長期食成犬糧會導致BB狗營養不良，嚴重影響骨骼發育。所以主人最好都係準備返專用嘅幼犬糧，多狗家庭建議分開餵食。
想知【幼犬糧點揀】可睇：2026香港幼犬糧推薦，9大幼犬狗糧比較，新手主人必睇揀糧懶人包 (附餵食重點)
（四）幼犬糧要食到幾多個月大？
一般嚟講，幼犬糧會食到狗狗 10 – 12 個月大左右（即係 1 歲）。
不過，唔同體型嘅 BB狗 發育速度都唔同，有啲大型犬可能要超過 1 歲先完全發育，因此轉糧時間要以狗狗實際發育狀況為準。
轉糧過程記得要循序漸進，將新舊狗糧溝埋慢慢過渡（大約 7 日），避免狗狗腸胃唔適應而肚痾。
想知【狗狗點樣轉糧】可睇：貓狗轉糧嘅正確流程！主子唔肯食、肚痾點算好？
狗BB照顧全攻略！3 大成長階段重點懶人包
（一）0～1個月BB狗照顧重點：保暖與餵奶
啱啱出世嘅 BB狗 最好就飲狗媽媽嘅母乳。如果無媽咪照顧，就要買「幼犬專用奶粉」，每日餵 4～5 餐。
好多新手會餵人飲嘅牛奶，其實係錯㗎！因為幼犬有乳糖不耐症，飲牛奶會導致肚痾、脫水，嚴重會致命。
另外，初生狗仔未識自己去廁所，主人要喺每餐餵完奶後，用濕紙巾輕輕擦拭肛門同尿道口，幫佢哋排便排尿（俗稱「把尿」）。
保暖都好重要！如果冇狗媽媽體溫，千祈唔好畀佢直接瞓地板，用紙箱加毛毯，維持大約攝氏 30 度左右就最理想。
（二）2個月幼犬照顧重點：戒奶、預防針與杜蟲
好多主人都係喺呢個時候接 2個月幼犬 返屋企。呢個階段準備「戒奶」，可以將乾糧用幼犬奶水浸軟，或者揀肉泥狀嘅主食罐畀狗仔食，慢慢轉做固體食物。
2個月幼犬照顧 嘅重中之重係醫療！一定要帶去獸醫度安排杜蟲同打第一針預防針。
好多人問：「狗狗未出街係咪唔使杜蟲？」
錯！一定要杜蟲！因為寄生蟲卵會黐喺主人衫褲鞋襪帶返屋企，加上幼犬抵抗力差，由母體帶嚟嘅抗體開始跌，唔打針同杜蟲好易受病毒感染（如狗瘟）。
（三）3個月以上狗BB照顧重點：發育與行為訓練
3 個月大嘅狗仔進入「暴風成長期」，骨骼迅速發展。飲食上要補充足夠嘅鈣質、磷同大量蛋白質，支撐肌肉同體重增長。如果發現小狗食極唔大，記得帶去檢查。
行為訓練亦要開始啦！包括定點去廁所、定時食飯、刷牙習慣。狗仔越細個教越易上手。
另外留意「換牙期」，如果你發現 BB狗 成日亂咬傢俬、咬手腳，即係佢牙痕換緊牙。主人要準備多啲耐咬玩具畀佢磨牙發洩。
大約 6 個月大，狗狗會開始發情。建議諮詢獸醫安排絕育手術，避免意外懷孕同減低生殖系統疾病風險。
幼犬糧邊度買？HeroMama 網上直送超方便！
想 狗BB 食得健康又長肉？HeroMama 參考咗數百隻毛孩口味，研發出營養兼備嘅配方，滿足發育期嘅高營養需求，仲要好好味添！
HeroMama 狗糧優點：新手狗主必選：
- 符合國際營養標準：根據 AAFCO/NRC 標準製作，適合作為 幼犬飲食 嘅每日主食。
- 網購超方便：直接官網落單，便利店取貨或送貨上門，唔使搬餐死。
- 信心保證：提供 15 天購物信心保證，買錯糧都唔怕。
港澳地區朋友都可以一鍵下單直送府上！想了解更多 HeroMama 嘅狗狗乾糧，快啲點擊連結或加入我哋官方 LINE，領取見面禮啦！
