貓糧開咗封可以擺幾耐？建議一個月內食晒！受潮變壞點分同點保存

當身體健康嘅貓貓突然唔想食貓糧時，就要懷疑貓糧係咪已經變壞咗喇～

好多主人會因為價錢考慮而買入大包嘅貓糧，但係香港天氣潮濕、又熱又焗，

冇留意到貓糧已經受潮變味、發霉或生蟲，如果貓貓食咗變壞嘅貓糧好可能會影響健康㗎！

貓糧點樣保存？ 一個月要買幾多貓糧？ 小心貓貓食到變壞嘅貓糧會中毒！

今日就等 MAMA 嚟教大家點樣正確保存貓糧，貓奴們快啲做筆記啦～

原本貓貓好鍾意食嘅貓糧，某日竟然突然唔食、聞一聞就掉頭走咗去？

先排除係因為病咗所以冇胃口、確定貓貓身體健康冇問題之後，如果屋企嘅貓糧已經開封超過６個禮拜，咁貓貓唔食好大機會就係貓糧已經變壞咗喇～

人類嘅餅乾開咗封一排就會受潮變軟，貓糧亦都會因為受潮而變味、變壞，雖然主人有時聞唔到怪味，但貓貓嘅嗅覺非常靈敏，只要聞到少少唔妥，就好可能會拒食以示抗議！

貓糧受潮嚴重嘅時候甚至會發霉、生蟲，而且有啲貓糧顏色比較深，就更加唔容易察覺，主人一定要多多留意先得㗎～

有啲主人冇發現貓糧受潮、貓貓就繼續食，但係 MAMA 提提大家，貓糧受潮之後係唔可以食㗎！

潮濕嘅貓糧可能已經產生我哋肉眼睇唔到嘅細菌、霉菌甚至黃麴毒素。

貓貓食咗落肚會引起嘔吐、肚瀉甚至器官受損等中毒症狀，千祈唔好為咗慳錢而傷咗貓主子嘅身體呀～

※ MAMA 溫馨提示：貓糧包裝袋上標示嘅保質期，係指未拆封狀態嘅保質期，並唔係開封之後嘅㗎！

貓糧開咗封之後嘅最佳食用期係４～６個禮拜，建議貓貓喺６個禮拜內要食晒，以免受潮嘅貓糧搞到貓貓身體唔舒服。

呢個係貓糧最容易受潮嘅方法之一！

因為貓糧開咗封嗰一刻就有空氣同濕氣入咗去，如果屋企買咗大包貓糧同埋每日反覆打開餵食，會加快貓糧受潮、變軟，亦都會發生食唔到半包就變壞唔新鮮、貓貓拒絕再食嘅困境㗎～

貓糧可唔可以放雪櫃保鮮？ MAMA 唔建議㗎！

因為雪櫃入面、外面溫差大，每日拎出拎入會因為溫差而產生水氣，

令貓糧受潮、變味、變軟，水氣太多亦都會更容易滋生細菌㗎！

咁貓糧一開咗封，即刻倒晒入貓糧桶咪得囉？ NO！MAMA 都係唔建議㗎～因為每次打開貓糧桶都會有空氣入去，反而會加速貓糧受潮同變壞，而且一般塑膠儲存桶係冇辦法完全杜絕空氣㗎！

如果主人冇定期清潔貓糧桶，上次倒落去嘅貓糧碎屑同油份亦都會殘留喺入面，反而會增加貓糧腐爛變味、生蟲嘅可能性。

將成包貓糧連埋包裝放入密封罐入面，仲要定期清潔。

建議主人哋選用玻璃罐或者鋼罐，因為密封效果比較好，亦都比較容易清潔。

應該避免使用百潔布或者鋼絲刷清洗，否則容易產生刮痕，搞到細菌殘留。

主人應該避免將貓糧放喺陽光暴曬或者高溫嘅環境，以免成分入面嘅脂肪氧化、搞到貓糧變壞呀～

如果屋企冇多餘嘅空間存放貓糧、又擔心貓糧受潮，建議買符合法規、有保障嘅小包分裝貓糧。

等貓貓哋可以喺食用期內食晒，每餐都食到最新鮮嘅貓糧！

貓貓食到一半就走開，啲嘢食成日都淨返少少？

呢個係好多貓奴成日遇到嘅問題。唔使擔心，呢啲方法可以幫你搵出原因，等貓貓安心食晒！

1. 評估餵食份量

貓貓個胃好細，適合少量多餐。一次餵太多可能會令佢哋食唔晒。試吓提供適量嘅份量，既滿足到需求又唔會浪費。

2. 了解貓貓嘅食物偏好

貓貓可能食厭咗或者唔鍾意而家啲嘢食。可以試吓換唔同口味嘅貓糧或者罐頭，並逐步過渡以避免腸胃唔舒服。

延伸閱讀：貓貓轉食

3. 維持乾淨嘅餵食環境

貓貓鍾意喺安靜、冇壓力嘅空間食飯。確保餵食地點係乾淨同埋冇其他寵物打擾，等佢哋食得更安心。

4. 留意食物碗嘅選擇

貓貓對食碗都好奄尖。選擇又闊又淺嘅碗，避免鬚鬚攰，並定期清潔，保持食物新鮮吸引。

5. 監測健康狀況

當貓貓嘅飲食習慣突然改變，或者成日唔食嘢，可能係健康出咗問題，例如牙齒唔舒服或者腸胃出問題，建議及時諮詢獸醫。

如果排除咗健康問題之後，亦都有可能係貓糧唔適合㗎！

呢個時候亦都會建議主人幫貓貓換新貓糧，而要揀到適合嘅種類，會建議揀選以下條件嘅貓糧：

• 根據 AAFCO/NRC 國際營養標準製作
• 符合貓貓高含肉量、低碳水嘅飲食需求設計
• 無穀、冇人造添加物降低腸胃敏感機會

如果你正喺度搵緊一款符合條件嘅優質新貓糧，不如試吓 Heromama 益生菌晶球夾心糧啦！

全新升級嘅夾心糧，加入含 30 億益生菌嘅晶球凍乾，維持穩定腸胃環境；添加機能凍乾，幫助貓貓腸胃排毛、亮毛護膚兩大需求。

更將無穀貓糧夾入鮮香雞肉凍乾，做到「營養成分 + 高適口性」嘅雙重優點，等貓貓啖啖都食到好肉，日日補充好菌！

睇更多夾心糧介紹 👉 益生菌晶球夾心糧 | 全齡貓適用

📌 未開封貓糧

• 存放喺陰涼、乾燥嘅地方，避免陽光直射同潮濕。
• 正常嚟講，未開封嘅貓糧可保鮮 12 至 18 個月。

📌 已開封貓糧

• 密封保存：每次拎咗之後，將袋口密封，並唧走多餘空氣。
• 加強防潮：將袋放喺密封容器入面，防止潮濕同害蟲入侵。
• 食用期限：打開之後，六個禮拜內食晒，確保貓貓食到最新鮮嘅食物。

📌 倒喺碗入面嘅貓糧

• 如果貓碗存放喺涼爽、乾燥、避免陽光直射而且唔受昆蟲打擾嘅地方。乾糧可以無限期咁留喺貓或者狗嘅碗入面。
• 但係建議最好每日都洗一次貓碗，避免細菌殘留～

乾糧一受潮，可能會滋生細菌同霉菌。

發現乾糧變濕嘅時候，請即刻採取以下步驟，保障貓貓嘅飲食安全！

📌 1. 評估受潮情況

仔細檢查乾糧嘅外觀同氣味。如果乾糧曾經接觸過水或者濕氣，容易成為細菌同霉菌嘅溫床，呢種乾糧對貓貓嚟講就唔再安全喇。

📌 2. 即刻掉晒變壞嘅乾糧

為咗貓貓嘅健康，唔好冒險餵食受潮嘅乾糧。

就算睇落冇問題，都可能隱藏有害物質，最安全嘅做法係即刻掉晒佢。

同樣地，過期嘅貓糧，亦都因為可能有細菌或者霉菌滋生，都一樣唔建議再餵貓貓食㗎！

一隻３-５公斤嘅成貓一日大約需要 70～90 克嘅貓糧。

當然實際餵食情況都係同貓貓嘅年紀、體重同埋主人餵食習慣有關，如果屋企貓貓數量比較多，亦都會增加需求量㗎！

本數值僅供參考、都係因貓而異㗎～

• １隻成貓一個月｜大約需要 1.5～3 公斤貓糧
• ２～４隻成貓一個月｜大約需要 3～6 公斤貓糧
• ４隻成貓以上一個月｜大約需要 10 公斤貓糧

MAMA 建議主人哋買啱公斤數嘅貓糧，最理想嘅係等貓貓喺一個月內食晒啲貓糧，
先可以將新鮮貓糧嘅營養都食晒落肚，避免食到受潮、有風險嘅變壞貓糧㗎！