法國老虎狗介紹，性格、遺傳病、價錢及照顧開支懶人包

• 鍾意狗狗夠痴身，唔介意做「跟屁蟲」，並且能花時間陪伴。
• 住喺公寓或較細嘅單位，希望狗狗唔會太嘈。
• 唔怕麻煩，肯幫佢護理皮膚，定時清潔皮膚摺位。
• 接受到狗狗會扯鼻鼾，而且唔需要大量運動。

如果以上你嘅答案都係「Yes」，咁法國老虎狗可能係你嘅最佳選擇！但如果你冇時間陪佢、又想搵隻可以陪你行山跑街嘅狗狗，咁老虎狗可能就唔太適合你喇！

• 耳仔：老虎狗有一對直立嘅「蝙蝠耳」，呢個係佢最具辨識度嘅特徵。
• 身材：體型細小但結實（約8-14kg），肌肉發達，四肢短而有力。
• 面部：天生扁面、短鼻，呢個令老虎狗睇起上嚟總係一副呆萌嘅樣，但亦係佢哋容易有呼吸道問題嘅主因。
• 皮膚：皮膚比較鬆，尤其面部同頸部有明顯嘅皮膚摺位，需要定期清潔護理。
• 毛色：毛髮短而順滑，常見毛色包括虎斑色、白色、奶油色、駝色等。

• 超級親人，熱愛撒嬌，係「最痴身嘅狗狗之一」。
• 適合室內飼養，運動需求唔高，但仍需每日適度散步。
• 聰明但有啲固執，訓練時需要獎勵同耐性。

⚠ 注意：法國老虎狗唔適合長時間獨處，如果屋企經常冇人，可能會引發分離焦慮問題。

• 寵物級法國老虎狗價錢： 約 HK$30,000 – $60,000+

更重要嘅係，主人必須有充足嘅心理同金錢準備，去應對佢哋潛在嘅龐大醫療開支。

• 營養需求：飲食應以高蛋白（30%以上）、低碳水化合物（25%以下）為主，避免肥胖。
• 狗糧選擇：建議選擇無穀物低致敏嘅狗糧，減低腸胃不適同皮膚過敏風險。
• 餵食習慣：成年犬建議每日分2-3餐餵食，避免暴食導致胃氣脹，並要嚴格控制零食份量。

• 皮膚摺位清潔：每日用濕布或寵物專用濕紙巾清潔面部同身體嘅皮膚摺位，並要確保徹底抹乾。
• 環境溫度：由於極度怕熱，夏天必須長開冷氣，確保室內涼爽，預防中暑。
• 定期檢查：每年應進行1-2次身體檢查，特別要關注呼吸道、皮膚同關節狀況。