想養一隻外表霸氣、性格溫柔嘅狗狗？英國老虎狗（English Bulldog），俗稱英虎，係好多人心目中嘅理想伴侶犬，以其壯碩體型、扁平面（豬膽鼻）同滿面皺褶而聞名。
佢哋嘅祖先喺英國被培育用嚟驅趕牲畜同參與鬥牛，自1835年鬥牛禁令實施後，逐漸轉型為家庭犬，經過改良後性格變得溫和親人。
我哋將帶你認識英國老虎狗嘅外型、性格、日常照顧方式同飼養開支，幫你全面評估英虎係咪適合你嘅生活！
英國老虎狗特徵：外表厚實、特色鮮明
| 特徵 | 描述 |
|---|---|
| 體型 | 屬於中型犬，短小結實、四肢粗壯，身體又橫又闊 |
| 體重 | 狗公約 23 – 30 kg，狗女約 18 – 25 kg (好易超標！) |
| 身高 | 約 35.5 – 38 cm，體型偏矮但非常「大舊」 |
| 頭部 | 又闊又大、下巴突出（倒及），塊面同額頭有超明顯嘅皺褶 |
| 毛髮 | 短而順滑，易打理，但甩毛量中等偏多 |
| 常見毛色 | 虎斑、黃啡色、紅色、白色同埋以上嘅組合色 |
| 尾巴 | 天生短尾，可以下垂或呈螺旋狀（螺旋尾較易有清潔問題） |
想了解【中型犬飼養指南】請睇：中型犬完整指南：特性、常見問題與照顧建議
英國老虎狗性格：唔係蠢，只係固執！
- 親人易相處：英虎性格溫和，鍾意同人互動，適合鍾意「痴身狗」嘅家庭。
- 個性穩定唔嘈吵：比較少亂吠，表現沉着冷靜，適合香港嘅公寓或細單位生活。
- 學習慢但可以教：英虎喺狗狗智商排名唔算高，但唔代表佢哋蠢，而係反應慢啲、個性有啲固執，訓練時需要極大耐性同用食物引誘。
- 適應力強：可以輕鬆融入城市生活，唔需要大量活動空間。
英國老虎狗 vs 法國老虎狗：點樣分？
| 特徵 | 英國老虎狗 (英虎) | 法國老虎狗 (法虎) |
|---|---|---|
| 體型 | 中型 (18-30kg)，身型橫闊 | 小型 (8-14kg)，身型精實 |
| 耳仔 | 玫瑰耳 (向後摺) | 蝙蝠耳 (直立) |
| 體力需求 | 低 (好懶，唔鍾意郁) | 中等 (比較活潑好動) |
| 個性 | 溫和穩定、非常痴身 | 活潑外向、古靈精怪 |
英國老虎狗壽命與健康管理
英國老虎狗嘅平均壽命約為 8 – 10 年，相比其他中型犬比較短。
由於佢哋嘅短鼻構造同基因特性，佢哋比較容易有呼吸、皮膚同關節方面嘅健康問題，需要主人更細心觀察同定期做身體檢查，先可以延長英虎嘅壽命同生活質素。
（一）英虎常見疾病
- 呼吸系統問題 (短吻犬呼吸道阻塞症候群)
- 關節與脊椎發育不良 (HD / ED)
- 皮膚病、皮膚摺位發炎、眼部疾病 (如櫻桃眼、乾眼症)
- 生產困難 (絕大多數需要開刀生)
想了解【狗狗皮膚唔好食咩】請睇：狗狗皮膚唔好要食咩？4種營養素有效改善乾癢、過敏問題！
（二）預防與健康管理
- 每半年進行一次例行身體檢查
- 留意呼吸聲浪、行路姿勢、皮膚狀況嘅變化
- 控制體重係最重要嘅事，肥胖會加重關節同呼吸系統負擔
- 提供涼爽、通風、低刺激嘅環境
英國老虎狗照顧：重點係清潔同飲食
（一）清潔與環境管理
- 皮膚摺位清潔：面部同身體嘅皮膚摺位需要每日清潔，並保持乾爽，以防發炎。
- 運動安排：運動量需求極低。每日短程散步 2 次，每次 10 – 15 分鐘就足夠。
- 氣候控制：極度怕熱！香港夏天必須長開冷氣，避免喺高溫時出街，嚴防中暑。
- 睡眠空間：準備厚實柔軟嘅床墊，減輕關節壓力。
點樣正確清潔英虎嘅皮膚摺位？
- 用寵物濕紙巾（如果皮膚敏感可用獸醫處方嘅抗菌濕巾）輕輕抹開皺褶內部，清走污垢同濕氣。
- 再用乾紙巾或乾布將皺褶完全印乾，確保冇濕氣殘留。
- 每日最少清潔一次，尤其係食完嘢之後。
（二）老虎狗飲食建議
- 嚴格控制熱量攝取，預防肥胖（英虎新陳代謝慢，極易肥）
- 每日餵食兩次，揀適合短鼻犬嘅高品質狗糧
- 維持充足水份攝取，夏天尤其要留意預防中暑
如果想搵適合老虎狗嘅狗糧，HeroMama 犬用益生菌凍乾晶球糧 同 天然蔬果肉鬆糧 都符合高品質狗糧嘅需求，並有以下 3 大優點：
- 根據 AAFCO/NRC 營養標準製作：每款主食都根據專業營養標準製作，適合各年齡層嘅狗狗作為每日主食。
- 方便嘅購物體驗：你可以直接喺官網購買，我哋提供便利店取貨付款或送貨上門等多種方式。
- 顧客保障：我哋提供售後服務，港澳地區嘅朋友都可以輕鬆一鍵下單直送到府上！
想知道【狗糧推薦】可睇：【2025 最新】狗糧推薦懶人包！13 款熱銷狗糧挑選指南
自我評估：你係咪真係適合養英虎？
如果你好想養英國老虎狗，以下 5 個問題可以幫你諗清楚自己係咪Ready：
- 你接唔接受到狗狗扯鼻鼾、呼吸聲好大？
- 你願唔願意每日花幾分鐘清潔佢塊面同皮膚摺位？
- 你屋企係咪可以保持涼爽，夏天會長開冷氣？
- 你係咪準備好應對突發嘅醫療開支？（呢個好重要！）
- 你係咪偏好個性穩定、超痴身嘅狗狗？
👉 如果大部分答案都係「Yes」，咁英國老虎狗好有可能係適合你嘅家庭成員！
英國老虎狗常見問題（FAQ）
Q1：英虎甩毛多唔多？
A：英虎屬於短毛犬，甩毛量算中等，但換季時都會甩唔少。建議每星期梳毛 2 – 3 次，維持清潔同皮膚健康。
Q2：英虎可唔可以同貓貓相處？
A：大多數英虎都可以同貓和平共處，尤其由細一齊養嘅話更容易建立良好關係，但都要睇雙方嘅適應情況。
Q3：英虎適唔適合新手養？
A：如果你接受到佢嘅日常清潔需求同較高嘅醫療風險，英虎對新手主人嚟講算係親和力高，只需要投入足夠耐性同愛心就得。
Q4：英虎可唔可以長時間自己一個喺屋企？
A：英虎雖然個性穩定，但始終需要人類陪伴，唔建議長時間獨留佢喺屋企，否則可能出現焦慮或行為問題。
養英國老虎狗係一份溫柔嘅責任！
英國老虎狗係一種需要細心照顧、但能夠畀返足滿滿陪伴同忠誠嘅狗狗。
佢哋雖然唔似運動型犬咁活潑好動，但正因為佢哋穩定、親人、溫和嘅特質，令佢哋成為非常適合室內飼養同家庭陪伴嘅理想對象。
如果你願意投入耐性同愛、接受佢哋喺照顧上嘅挑戰，咁英虎將會係你生活中最踏實嘅夥伴！
參考資料
- https://www.akc.org/dog-breeds/bulldog/
- https://www.petmd.com/dog/breeds/bulldog
- https://www.chewy.com/education/dog-breeds/bulldog
- https://www.petplan.co.uk/pet-information/dog/breed/bulldog/
- https://dogsaustralia.org.au/BrowseBreed/browse-a-breed/191/British-Bulldog/
- https://www.thekennelclub.org.uk/search/breeds-a-to-z/breeds/utility/bulldog/
- https://www.aspcapetinsurance.com/resources/english-bulldog-breed-information/