好多主人第一時間都會覺得狗狗喺度揀飲擇食，但事情可能冇咁單純，有啲情況代表狗狗心理壓力大，甚至係患上疾病嘅前兆！
我哋一齊嚟了解狗狗唔食嘢嘅真正原因，再搵出解決方法啦！
狗狗唔食嘢嘅5大原因
（一）疾病或身體唔舒服
疾病除咗會令食慾明顯下降，仲可能伴隨噁心、活動力下降等症狀，如果有任何唔妥，建議盡快帶去畀獸醫檢查！
- 口腔問題：牙痛、牙肉發炎、牙周病、口腔腫瘤等，導致食嘢時感到痛楚。
- 腸胃問題：消化不良、胃氣脹、腸胃炎、腸道有異物阻塞、便秘等。
- 其他疾病：胰臟炎、腎衰竭、心臟病、癌症、或病毒感染等。
- 痛症：例如關節炎可能會令狗狗唔想企起身食嘢。
- 藥物或疫苗副作用：有機會導致食慾不振。
（二）感到壓力或焦慮
- 環境改變：搬屋、屋企有新寵物或BB、有訪客、裝修、傢俬變位等。
- 作息或身體變化：主人長時間唔喺屋企（分離焦慮症）、發情期焦慮。
（三）食物或食具問題
此外，裝食物嘅兜嘅位置或物料唔啱，都可能令狗狗唔想食。
例如膠兜容易殘留氣味影響食慾，不鏽鋼兜或陶瓷兜可能係更好嘅選擇。
- 食物變質：例如過期、發霉、有油膉味。
- 其他問題：食兜尺寸唔啱、物料唔鍾意、擺放位置唔方便等。
想知【狗狗點樣轉糧】可睇：貓狗轉糧嘅正確流程！主子唔肯食、肚痾點算好？
（四）揀飲擇食或飲食唔規律
- 長期食死一隻糧：容易食到厭，建議可以畀狗狗試下唔同種類嘅食物。
- 唔食特定口味或質地：代表狗狗有自己嘅偏好，主人可以觀察並記錄低。
- 正餐唔食但肯食零食：可能係零食餵得太多，搞到正餐時間唔肚餓，或者覺得主食冇吸引力。
（五）年齡影響
老狗唔食嘢可能原因？
- 嗅覺、味覺退化，對食物興趣下降。
- 身體可能患有慢性病痛，建議先畀獸醫檢查清楚。
狗bb唔食嘢可能原因？
- 啱啱到新環境或接觸新食物，仲喺度適應緊。
- 鍾意亂咬嘢，可能唔小心食咗異物搞到腸道阻塞。
想知【幼犬食咩好】可睇：【2025 最新】幼犬糧推薦懶人包！9 款人氣幼犬糧優點一次睇
狗狗唔食嘢6大情境分析！
（一）狗狗唔食嘢但精神好好？
主人可以檢視下係咪平時零食或人類食物餵得太多，導致狗狗對主食興趣下降。如果係，就要減少餵正餐以外嘅食物喇。
亦可能係狗狗食厭咗而家隻糧，有自己嘅偏好，建議耐心啲搵出狗狗鍾意嘅口味同質地。
想知【狗狗一日食幾多】可睇：狗狗一日食幾多克？狗狗餵食份量一覽表，食量幫你一次計好！
（二）狗狗唔食嘢淨係瞓覺？
如果狗狗精神不振、食慾下降，可能係疾病、痛楚或發燒嘅警號！
主人應觀察有冇伴隨嘔吐、肚痾、渴睡或其他異常症狀，任何唔妥都應該盡快睇醫生。
（三）狗狗淨係飲水唔食嘢？
不停飲水可能同腎病、細菌或病毒感染、糖尿病等疾病有關。
亦可能係狗狗有口腔問題導致食嘢會痛，令佢只可以飲水。一旦觀察到呢種情況，建議畀獸醫檢查清楚。
（四）狗狗唔食嘢要人餵？
有啲狗狗習慣咗由主人一啖一啖餵，呢個可能源於幼犬時期養成嘅習慣，或者係想得到你關注嘅需求。
長此落去，會令狗狗揀嘴問題變本加厲，亦會成為人同狗之間嘅壓力，造成惡性循環，一旦出現呢類情況就要好好糾正喇！
（五）狗狗肚仔係咁叫但又唔食嘢？
通常狗狗肚仔係咁叫，會同腸胃消化有關，但加上唔食嘢我哋可以推測兩種情況：
- 肚餓但唔食：可能係揀嘴或唔鍾意兜嘢食。
- 腸胃蠕動異常：如果伴隨嘔吐、肚痾等症狀，可能係消化不良或腸胃病，應盡快求醫。
想知【狗狗腸胃護理】可睇：狗狗軟便點處理？了解7種大便形態｜腸胃健康護理全攻略
（六）狗狗心情唔好唔食嘢？
好似上面所講，壓力、焦慮、憂鬱等情緒都會大幅影響狗狗食慾。
觀察狗狗係咪因為環境變動、分離焦慮、受驚等原因而唔食嘢，需要提供安穩嘅環境，並適當安撫，多啲陪喺狗狗身邊。
狗狗唔食嘢點算好？可以試下呢幾招！
如果排除咗疾病因素，可以根據唔同情境搵出對應嘅解決方法，例如適當調整飲食習慣、提供舒適環境等，都有助狗狗恢復正常進食！
如果狗狗只係揀飲擇食，唔使驚！HeroMama 透過記錄超過百隻毛孩嘅飲食偏好，研發出既美味又健康嘅配方，唔單止能夠提供狗狗需要嘅營養，亦滿足到唔同年齡揀嘴毛孩嘅需求。
2024 年推出嘅 天然蔬果肉鬆糧，每粒乾糧都均勻包住無調味肉鬆，再加入天然凍乾蔬果營養配方，令狗狗啖啖都係滿滿嘅美味同滿足感。
- 根據 AAFCO/NRC 營養標準製作：每款主食都根據專業營養標準製作，適合各年齡層嘅狗狗作為每日主食。
- 方便嘅購物體驗：你可以直接喺官網購買，我哋提供便利店取貨付款或送貨上門等多種方式。
- 顧客保障：我哋提供 15 天購物信心保證，令顧客買得更放心。
港澳地區嘅朋友都可以輕鬆一鍵下單直送到府上，購物超方便！想了解更多 HeroMama 嘅狗狗乾糧，快啲點擊下方連結或加入我哋嘅官方 LINE，領取好友見面禮啦！
想知【狗糧推薦】可睇：【2025 最新】狗糧推薦懶人包！13 款熱銷狗糧挑選指南
參考資料
- https://www.webmd.com/pets/dogs/dog-not-eating-possible-causes-and-appetite-solutions
- https://www.petmd.com/dog/symptoms/why-my-dog-not-eating
- https://www.thekennelclub.org.uk/health-and-dog-care/health/health-and-care/a-z-of-health-and-care-issues/reasons-why-my-dog-won-t-eat-their-food/
- https://www.purina.com/articles/dog/health/symptoms/why-is-my-dog-not-eating
- https://www.akc.org/expert-advice/health/why-wont-my-dog-eat/
- https://www.goodrx.com/pet-health/dog/not-eating