至於狗仔嘅狗糧份量點計，最好都係根據體型大小、品種，或者請專業獸醫判斷會比較準確。
如果買嘅係品種專用糧，就可以按照狗糧包裝袋上嘅每日建議食用量去計算。
好似 HeroMama肉鬆糧 咁，就會列出明確嘅每日餵食克數，等主人可以根據幼犬體重計好份量，建議餵食量表如下：
| 體重 (kg) | 1 | 3 | 5 | 7 | 10 | 15 | 18 | 20 | 25 | 30 | 40 |
| 建議餵食量 (g) | 56 | 128 | 188 | 242 | 317 | 429 | 492 | 533 | 630 | 722 | 896 |
將每日總份量平均分配到每一餐，大約 2～4 小時餵一次，等小狗大個啲就可以再調整餵食時間同餐數。
想睇更詳細【狗狗餵食份量表】可參考：狗狗一日食幾多克？狗狗餵食份量一覽表，食量幫你一次計好！
（二）狗仔唔食嘢點算好？
建議可以先睇獸醫，排除健康問題。如果唔係病，就可能係狗糧太硬狗仔咬唔到，或者唔鍾意隻味。
可以準備幾款唔同嘅幼犬糧畀小狗輪流試下，幫佢搵出心水口味，亦可以培養多元飲食習慣。
另外，主人亦應盡量避免畀幼犬食太多零食同副食罐，食得太多雜食會令狗仔對正餐冇興趣，好易養成揀飲擇食嘅壞習慣！
想知【狗狗唔食嘢點算】可睇：狗狗唔食飯但精神好好？6 大情境解析，2 狀況可能是疾病前兆！
（三）幼犬可以食成犬糧嗎？
但如果長期食就會導致幼犬營養不良，嚴重影響發育。所以主人最好都係準備返專用嘅幼犬糧，或者將大狗同狗仔分開餵食。
（四）幼犬糧要食到幾多個月大？
要特別注意，唔同體型嘅小狗發育速度都唔同，有啲大型犬可能要超過 1 歲先完全發育，因此轉糧嘅時間點要以狗狗實際發育狀況為準。
轉糧過程需要循序漸進，將新舊狗糧溝埋慢慢過渡，避免狗狗出現腸胃唔適應、肚痾等情況。
想知【狗狗點樣轉糧】可睇：貓狗轉糧嘅正確流程！主子唔肯食點算好？
BB狗點樣照顧？3大成長階段重點！
（一）0～1個月BB狗照顧重點：哺乳期
好多人成日會餵人飲嘅牛奶畀BB狗，其實係錯嘅！由於幼犬腸胃未成熟，飲用牛奶可能會引起乳糖不耐症，導致肚痾、嘔吐。
另外，初生狗仔仲未識自己去廁所，主人要從旁協助，喺每一餐餵完奶後，用濕紙巾輕輕擦拭佢嘅肛門同尿道口，刺激佢哋排便排尿。
如果BB狗冇狗媽媽喺身邊保暖，就唔好畀佢直接瞓喺冰冷嘅地板上，可以用紙箱、毛毯等幫小狗維持溫度，大約攝氏 30 度左右就最理想。
（二）2個月大狗仔照顧重點：戒奶期
除咗飲食，主人都要幫小狗安排杜蟲。杜蟲分體內、體外，建議先問清楚獸醫相關資訊同注意事項，再用杜蟲產品。
好多主人會問：「狗狗唔出街仲使唔使杜蟲？」
一定要！因為寄生蟲卵可能會黐喺我哋嘅衫褲鞋襪上面帶返屋企，如果狗狗喺屋企四圍行，甚至亂咁舔嘢，就有機會感染。
幼犬身上由母體帶嚟嘅抗體會隨住時間減少，所以安排幼犬打預防針都係好重要嘅一環，避免佢哋抵抗力唔夠時受到病毒入侵。
（三）3個月以上狗仔照顧重點：成長期
同時唔好唔記得大量嘅蛋白質攝取，因為呢個階段幼犬肌肉會持續發展，體重亦會不斷增長。
如果發現小狗體重一直冇乜增長，務必要帶去睇醫生，如果唔係嚴重起上嚟會影響發育。
除此之外，我哋可以開始訓練狗仔嘅生活習慣，包括定點去廁所、定時食飯、保持口腔清潔等，等佢由細開始學，養成好習慣。
如果你發現狗仔成日亂咬嘢，咁好可能係就快進入換牙期，主人可以準備多啲耐咬玩具畀狗狗磨牙，避免屋企啲傢俬被咬爛。
大部分 6 個月以上嘅小狗會陸續出現發情狀況，呢個時候可以安排絕育手術，避免狗狗出街時同其他狗交配而意外懷孕，亦可以減低將來患上生殖系統疾病嘅機率。
幼犬糧邊度買？嚟 HeroMama 買就無錯！
- 根據 AAFCO/NRC 營養標準製作：每款主食都根據專業營養標準製作，適合各年齡層嘅狗狗作為每日主食。
- 方便嘅購物體驗：你可以直接喺官網購買，我哋提供便利店取貨付款或送貨上門等多種方式。
- 顧客保障：我哋提供 15 天購物信心保證，令顧客買得更放心。
港澳地區嘅朋友都可以輕鬆一鍵下單直送到府上，購物超方便！想了解更多 HeroMama 嘅狗狗乾糧，快啲點擊下方連結或加入我哋嘅官方 LINE，領取好友見面禮啦！
