幼貓處於身體快速發育嘅階段，飲食就成為咗照顧嘅重點之一。到底幼貓食咩？食量要點計？一日食幾多餐先可以健康長大呢？等我哋由佢哋最主要嘅營養需求開始了解啦！
（一）蛋白質
（二）脂肪
（三）鈣質
幼貓成長 3 階段餵食全攻略！
（一）初生BB貓：0 - 1 個月
1. 呢個時期嘅BB貓食啲咩？
啱啱出世嘅貓仔，主食會以貓媽媽嘅母乳為主。如果出世後幾個鐘內就飲到母乳係最好嘅，因為母乳富含抗體，可以保護BB貓免受感染。
如果冇母乳，就要揀幼貓專用奶粉，唔建議畀佢哋飲人飲嘅牛奶、羊奶或其他乳製品，因為營養唔完整，亦可能會對BB貓腸胃造成負擔。
2. 點樣餵奶？一日餵幾多次？
如果有貓媽媽幫手餵奶就最理想，但如果需要人手餵奶粉，可以跟住以下 4 個步驟：
- 事前準備：將奶樽徹底消毒乾淨後沖奶粉，然後將奶滴喺手腕上試溫，大約 35–40˚C 左右就差唔多，確保唔會太熱淥親BB貓。
- 搵啱姿勢：BB貓飲奶嘅自然姿勢係趴喺度，頭微微抬高。你可以用溫暖嘅毛巾包住BB貓，等佢舒服咁趴喺你大髀上。
- 等BB貓自己飲：將奶樽嘴放喺BB貓嘴邊，等佢靠本能自己啜。如果佢飲到停咗，可以輕輕摸下佢額頭鼓勵下。
- 輕輕掃風：BB貓同BB仔一樣，飲完奶都要掃風。你可以輕輕拍佢背脊，直到聽到佢打嗝仔為止。
可以參考奶粉罐上嘅建議份量，唔夠兩星期大嘅幼貓，平均每 2～3 個鐘就要餵一次奶；兩到四星期大就改為每 4～6 個鐘餵一次。
（二）戒奶期幼貓：1 - 3 個月
2. 戒奶期點樣餵？一日食幾餐？
轉食過程要慢慢嚟，可以將少量幼貓罐頭或乾糧同奶水溝埋一齊餵，每日總食量分 4～6 餐，避免轉得太快搞到BB貓唔肯食，或者腸胃唔舒服。
當幼貓接受新食物之後，就可以每日逐啲逐啲增加固體食物嘅比例，直到最後完全唔使再加奶水，就代表轉糧成功喇！
（三）發育期幼貓：3 - 12 個月
1. 出牙仔嘅幼貓食咩？
當貓貓出齊牙仔，就代表佢哋可以正常食一般嘅幼貓罐頭或幼貓乾糧。至於要餵罐頭、乾糧定係兩樣溝埋，就可以喺呢個階段觀察貓貓嘅喜好。
揀乾糧時，要留意顆粒會唔會太大、太硬，總之要以標明「幼貓專用」嘅糧食為主，一方面營養啱數，另一方面亦會考慮到幼貓係咪容易食。
2. 幼貓一日食多少？食幾多餐？
通常幼貓食量會根據體重同發育狀況而唔同，主人可以參考主食包裝上嘅建議餵食量，再觀察幼貓嘅食飯習慣，以 2～3 餐或少量多餐嘅方式平均分配。亦可以根據幼貓身體狀況同獸醫討論後，再決定餵食頻率。
| 幼貓年齡 | 主食類型 | 餵食頻率 |
|---|---|---|
| 0 – 2 週大 | 母乳或幼貓專用奶粉 | 每 2 – 3 小時 |
| 2 – 4 週大 | 母乳或幼貓專用奶粉 | 每 4 – 6 小時 |
| 1 – 3 個月大 | 幼貓罐頭或幼貓乾糧溝奶水 | 一日 4 – 6 餐 |
| 3 個月大後 | 幼貓罐頭或幼貓乾糧 （滿10個月後可轉食成貓糧） |
一日 2 – 3 餐或少量多餐 |
幼貓幾大要轉糧？相關問題解答！
（一）幼貓幾大可以轉食成貓糧？點樣轉？
由舊糧過渡到新糧嘅過程好簡單，就係用「7日轉糧法」，逐步將成貓糧溝入去取代部分幼貓糧。
頭兩日先將 1/4 換成新糧，跟住幾日慢慢增加新糧比例，直到第 7 日完全轉晒做新糧，就代表轉糧成功！
不過轉糧比例同時間要視乎貓貓嘅適應程度，建議主人記錄低貓貓進食狀況，隨時彈性調整。
（二）浸軟嘅幼貓糧可以擺幾耐？
但浸軟速度會視乎蛋白質含量而定，因為蛋白質喺加工過程會形成堅固嘅網狀結構，所以幼貓糧蛋白質越高就越難浸軟。
以 HeroMama 幼貓初乳晶球糧 為例，用90度左右熱水浸泡，大約等 1 分鐘就可以軟化。倒走多餘熱水再放涼後，就要畀幼貓趁新鮮食，唔建議擺太耐，以免乾糧變質！
（三）幼貓可以食成貓或老貓糧嗎？
因為幼貓同唔同年齡層嘅貓貓，所需熱量同營養都唔同，如果長期畀幼貓食成貓或老貓主食，可能會影響身體正常發育。所以畀幼貓食返專用糧，先可以確保佢哋攞到足夠能量健康長大。
想畀幼貓開始食乾糧？不如由營養價值超高嘅 HeroMama 晶球糧開始啦！
專為幼貓設計嘅 初乳晶球糧 根據 AAFCO/NRC 營養標準打造低敏配方，添加牛初乳凍乾晶球，提供近似貓媽媽母乳嘅關鍵營養，更選用小分子蛋白令幼貓更好吸收，幫幼貓由細打好個底！
參考資料
- https://www.petmd.com/cat/nutrition/feeding-kittens-101-what-feed-how-much-and-how-often
- https://vcahospitals.com/know-your-pet/kitten-raising-kittens
- https://www.webmd.com/pets/cats/newborn-kitten-care
- https://perfectlyrawsome.com/raw-feeding-knowledgebase/nrc-nutritional-requirements-for-kittens/
- https://my.iams.asia/cat/cat-articles/kitten-basics-important-facts-about-protein
- https://www.purina.com/articles/cat/kitten/health/kitten-nutrition