聖班納犬曾經係修道院中嘅搜救犬，靠住卓越嘅嗅覺同驚人體力，掛住標誌性小酒桶喺嚴酷雪地中拯救迷路旅客，因此獲得「山難神犬」、「溫柔巨犬」嘅稱號。
想知聖班納有咩外觀特徵、個性亮點、照顧重點同健康挑戰？繼續睇落去，等我哋一次過話你知飼養聖班納嘅關鍵資訊。
聖班納外觀特徵一覽
| 特徵項目 | 說明 |
|---|---|
| 體型 | 巨型犬，骨架粗壯、肌肉發達 |
| 身高 | 公犬約 70–90 cm，母犬 65–80 cm |
| 體重 | 公犬約 55–80 kg，母犬約 50–65 kg |
| 毛髮類型 | 分為短毛同長毛兩種 |
| 常見毛色 | 白底配紅色、啡色、虎斑紋等多色斑塊 |
| 特殊特徵 | 面部有黑色面罩、眼神溫柔、口水量極大 |
聖班納 vs 伯恩山 點樣分？
以下 3 大重點，幫你一眼分清楚：
| 品種 | 聖班納 | 伯恩山 |
|---|---|---|
| 毛色分佈 | 以白色為主，面部有黑色面罩，常見黃啡或紅色斑塊 | 以黑色為主，配搭啡紅色同白色毛，呈三色分佈 |
| 體型大細 | 屬於巨型犬，骨架粗壯，體重可達 80 公斤以上 | 屬大型犬，骨架相對較幼，體重通常喺 50 公斤內 |
| 面部外觀 | 面型闊扁，嘴唇厚實、明顯下垂（多口水） | 面型較修長，嘴巴線條清晰、較緊實 |
聖班納性格特質：溫馴、忠誠、親人
親人程度高
穩定冷靜
對小朋友友善
聖班納智商高唔高？
- 學習能力佳：聖班納可以好快學識基本指令同日常規矩，尤其用正向獎勵訓練效果最好。
- 工作導向強：佢哋天生具備服務同合作嘅傾向，以前做搜救犬時，展現咗極強嘅嗅覺、方向感同應變能力。
- 鍾意討好主人：聖班納有討好主人嘅傾向，呢種特質令佢哋更願意配合訓練，係大型犬中相對容易教嘅品種之一。
不過，由於佢哋天性溫和、動作比較慢，有時會令人誤會佢哋反應慢，其實佢哋只係用緊自己嘅節奏去觀察同理解世界。
聖班納好唔好養？有咩缺點？
- 打理需求極高：聖班納需要大量時間投入照顧、清潔同訓練。
- 全年瘋狂甩毛：無論係咪轉季，聖班納都會持續甩毛，甩毛量極之驚人，主人要有心理準備成屋都係毛。
- 嚴重流口水：因為嘴唇構造，聖班納流口水嘅情況非常普遍，一Fing頭就可能搞到周圍都係，要頻繁清潔。
- 極度怕熱：厚毛加大體型，令佢哋對高溫好敏感。喺香港飼養，夏天必須長開冷氣，避免中暑。
- 空間需求極大：體型巨大，絕對唔適合住喺細單位。就算屋企夠大，都一定要每日出街活動。
- 鍾意掘地：佢哋保留咗搜救犬嘅本能，鍾意掘嘢，如果冇適當發洩精力，可能會破壞屋企。
- 訓練唔可以懶：體型龐大意味住行為控制極之重要。如果由細冇教好，大個咗興奮起上嚟好易撞親人，尤其唔可以縱容佢哋養成撲人嘅習慣。
聖班納適合新手飼養嗎？
雖然佢哋個性溫和又聽話，但龐大嘅體型、驚人嘅食量、甩毛同流口水問題，以及對空間同運動量嘅高度需求，都需要有一定飼養經驗同耐性先應付到。
但如果你已經做足功課，有穩定生活、足夠空間同時間去照顧同訓練，聖班納依然可以成為你人生第一隻狗，並帶畀你深厚嘅情感連結！
聖班納點樣照顧？4大飼養要點必知
飲食需求
- 餵食大型犬專用糧，並按年齡分配（幼犬、成犬、老犬）。
- 分餐餵食（每日2–3次），減低胃扭轉風險。
- 用慢食兜同提供新鮮飲水。
- 嚴格控制體重，避免肥胖影響關節同心臟。
美容與日常清潔
- 聖班納甩毛量極大，轉季時（春秋）要每日梳毛，平時亦建議每星期梳幾次。
- 每月沖涼一次，敏感皮膚要諮詢獸醫。
- 每日清潔口水同眼部皺褶，保持乾爽，預防皮膚感染。
- 耳仔、牙齒同指甲都要定期清潔同修剪。
運動與活動需求
- 每日需要至少一個鐘嘅活動量（散步＋玩耍）。
- 適合喺涼爽天氣活動，避免喺正午高溫時出街。
- 鍾意輕鬆行山、嗅聞遊戲。
- 空間需求高，唔適合長期困喺細單位。
訓練建議
- 體型龐大，一定要由細個開始建立基本服從訓練。
- 推薦參加幼犬訓練班，建立良好嘅社會化經驗。
- 用正向獎勵法（食物、讚美）訓練效果最好。
聖班納壽命有幾長？5大常見健康問題
如果想聖班納健康快樂咁陪你耐啲，咁接下來呢啲潛在健康問題同預防方法，你就一定要知：
髖關節發育不良 (HD)
常見症狀包括跛腳、行路姿勢異常、痛楚或活動力下降。獸醫可能會建議控制體重、補充關節保健品、安排物理治療，嚴重時可能要手術處理。
胃扭轉 (GDV)
呢個係致命嘅急症，當個胃充滿氣體或食物後扭轉，會阻斷血液流動，導致器官壞死。
症狀包括肚脹、乾嘔（想嘔但嘔唔出）、坐立不安、過度流口水。一發現類似情況務必立即送急症。
預防方法：
- 每日分 2-3 餐餵食，避免一次食太多。
- 食飽後兩小時內唔好做劇烈運動。
- 使用慢食兜。
心臟問題
如果出現呼吸急速、咳、運動耐力下降，應盡快求醫。
建議定期進行心臟聽診同超聲波檢查，及早發現異常。
皮膚問題
日常應定期用濕布清潔面部同皺褶位，並保持乾爽；沖涼頻率唔可以太高，要揀溫和嘅沖涼液。
熱衰竭 (中暑)
常見症狀包括勁喘氣、心跳加快、冇精神、行路唔穩，甚至抽搐同昏迷，要即刻降溫同送院。
預防方法：
- 散步揀清晨或黃昏。
- 室內一定要保持涼爽、通風，長開冷氣。
- 夏天避免長時間出街或劇烈活動。
聖班納常見問題 QA
Q1：新手可以養聖班納嗎？
Q2：聖班納同伯恩山有咩分別？
聖班納係白底配紅啡色斑塊，體型係「巨型犬」；伯恩山係黑底配啡白三色，體型係「大型犬」，比聖班納細一個碼。
Q3：聖班納喺香港係咪要戴口罩？
聖班納價錢？香港領養及購買
領養唔單止可以畀一隻狗狗有第二個家，亦可以減少買賣帶嚟嘅問題。建議主人決定飼養前，不妨先到本地嘅領養機構查詢：
香港常見領養管道參考：
- 愛護動物協會 (SPCA)
- 漁護署 (AFCD) 動物領養計劃
- 救狗之家 (HKDR) 及其他大型動物救援組織
如果堅持購買，一隻血統純正嘅聖班納BB，價錢一般由 HK$30,000 起跳，甚至更高，而且多數需要由外國訂購。
聖班納食咩好？
HeroMama 透過記錄超過百隻毛孩嘅飲食偏好，研發出既美味又健康嘅配方，唔單止能夠提供狗狗需要嘅營養，亦滿足到唔同年齡揀嘴毛孩嘅需求。
- 根據 AAFCO/NRC 營養標準製作：每款主食都根據專業營養標準製作，適合各年齡層嘅狗狗作為每日主食。
- 方便嘅購物體驗：你可以直接喺官網購買，我哋提供便利店取貨付款或送貨上門等多種方式。
- 顧客保障：我哋提供 15 天購物信心保證，令顧客買得更放心。
港澳地區嘅朋友都可以輕鬆一鍵下單直送到府上，購物超方便！想了解更多 HeroMama 嘅狗狗乾糧，快啲點擊下方連結或加入我哋嘅官方 LINE，領取好友見面禮啦！
參考資料
- https://www.petmd.com/dog/breeds/rottweiler
- https://www.akc.org/dog-breeds/rottweiler/