點樣幫貓減肥？教你掌握貓過肥原因有效幫貓減肥！

你隻貓係咪肥嘟嘟、行路嗰陣個肚仔fing吓fing吓？

雖然睇落好可愛，但好多主人都輕視咗體重對貓貓嘅影響，其實貓貓只要肥咗 1 公斤，就等如人類肥咗 16 公斤咁滯！

咁樣好可能令貓貓更容易有糖尿病、脂肪肝、關節病變、心血管問題等嚴重疾病，所以幫貓貓保持理想身形，唔單止關乎外觀，更係延長壽命同提升生活質素嘅關鍵！

想知貓貓係咪過重，唔可以單睇體重數字，因為唔同品種嘅標準可以差好遠。最建議用體態評分系統（BCS）嚟判斷。

• 觸摸法：摸吓肋骨同脊椎，如果摸到而且有層薄薄嘅脂肪包住就正常，摸唔到即係脂肪太厚
• 觀察法：由上面望落去，睇吓有冇明顯腰線；打側望吓個肚係咪收緊，如果下垂就可能過重。
• 留意行為變化：例如唔鍾意郁、懶得打理毛髮、氣喘喘、成日要嘢食等等。

💡提提你：如果睇唔實貓貓係咪過重，建議盡早睇獸醫評估，獸醫可以提供最準確嘅體態分析同健康建議。

了解更多【幼貓體重】：幼貓體重正唔正常？0～6 個月成長變化同標準體重表一文睇晒！

幫貓貓減肥之前，最緊要係先搞清楚佢點解會肥，咁樣先可以對症下藥，度身訂造一個真正有效又安全嘅減肥大計。

貓貓過肥嘅常見原因通常有：

• 飲食唔健康：成日食高卡路里、高脂肪、高碳水化合物嘅嘢食，好容易搞到攝取過多熱量。
• 餵食方法唔啱：如果係任食制、餵得太多，或者用量杯「求其」估算份量，都好易不知不覺餵多咗。
• 缺乏運動：室內貓活動空間有限，如果主人又少同佢玩，熱量就自然難以有效消耗。
• 絕育後新陳代謝變慢：貓貓絕育會影響賀爾蒙分泌，令佢哋嘅基礎代謝率降低，對熱量需求自然少咗。
• 年紀同體質：貓貓年紀大新陳代謝會慢啲；有啲品種好似英短、美短咁，天生就比較易肥。
• 藥物或疾病影響：好似皮質類固醇嘅副作用、或者內分泌疾病（例如甲狀腺功能減退、腎上腺亢進）等等，都可能會搞到體重上升。
• 主人行為：成日餵零食、人類食物，或者太過錫貓貓，搞到唔識拒絕佢哋「討食」嘅行為，呢啲都係搞到貓貓過肥嘅隱形原因。
  

當你搞清楚以上其中一個或多個搞到貓貓過肥嘅原因之後，就可以為佢哋度身訂造一套真正啱佢嘅瘦身方法喇！

貓貓減肥食乜好？Heromama 益生菌晶球夾心糧 做到高蛋白質、超低碳水化合物嘅需求，每粒糧都夾住新鮮雞肉凍乾，仲加入益生菌晶球同機能凍乾，等貓貓每餐都食到豐富營養！👉即刻了解更多

想貓貓健康瘦身，最有效嘅方法就係由飲食入手。

唔單止「食幾多」係重點，更重要係「食乜嘢」同「點樣食」！

• 揀高質素糧食：以高蛋白、低碳水嘅食物為主。貓貓係肉食動物，碳水化合物唔係必須，食得多反而會肥。

Heromama 益生菌晶球夾心糧 滿足高蛋白、超低碳水需求，每粒糧都夾住新鮮雞肉凍乾，仲加入益菌晶球同機能凍乾，適口性高幫貓貓管理體重👉了解更多

• 適當時候用減肥配方貓糧：揀獸醫推介、脂肪含量低、纖維高嘅減肥貓糧可以增加飽肚感。不過要留意部分減肥糧嘅碳水化合物比例可能仲係偏高，揀之前請教專業意見，同埋要循序漸進咁轉糧，費事搞到腸胃唔舒服。
• 零食要識控制：盡量避免高卡零食，如果想俾，就要計埋入每日總熱量度，總量唔可以超過 10%。揀低卡、天然嘅肉乾小食最好，同埋可以問吓獸醫有咩推介品牌。

• 精準控制熱量：請獸醫幫手計吓每日所需熱量，避免過度節食搞到有健康問題。
• 用磅秤量糧食：用電子磅或者有刻度嘅餵食碗嚟量度食量，建議用「克」做單位，唔好單靠量杯。
• 調整餵食方法：由任食制改做定時定量，可以穩定新陳代謝、減少肚餓感。
• 鼓勵用活動方式進食：將食兜放喺高啲或者遠啲嘅地方，用藏食玩具或者互動遊戲嚟增加運動量。

想知多啲【貓咪揀飲擇食】：貓貓揀飲擇食點算好？獸醫教你點樣調整飲食嘅實用方法

要貓貓郁多啲，係減肥唔可以缺少嘅一個環節。

唔單止幫手燒走多餘熱量，仲可以促進佢哋嘅心理健康同生活質素。

• 逐步增加活動量：每日由 10 分鐘互動遊戲開始，慢慢加到每日 20 至 30 分鐘。
• 多啲互動遊戲：用逗貓棒、羽毛棒、雷射筆等等玩具，俾貓貓追逐、跳高跳低，又可以設計啲模擬狩獵嘅餵食遊戲，例如藏食玩具，提升佢哋嘅活動能力。
• 增加環境多樣性：提供貓跳台、抓板、跑輪等等設施，為佢哋創造垂直同水平嘅活動空間。

• 量力而為：如果貓貓有關節唔舒服或者其他健康問題，請先問吓獸醫意見，調整運動方式同埋強度。
• 保持身體水份：運動期間，一定要提供充足同乾淨嘅飲水，預防脫水。

幫貓貓減肥唔可以太急進，速度控制得好，先可以避免健康風險，做到真正穩定嘅體重管理。

• 掌握減磅安全範圍：每星期減輕體重嘅 0.5%～2% 係理想速度，如果減得太快，可能會導致肌肉流失或者脂肪肝。
• 定期磅重：每星期磅一次最理想，如果唔方便，至少每 2～4 星期記錄一次，先睇到個趨勢。
• 適時調整策略：如果體重冇明顯下降，即係可能熱量控制唔夠或者運動量不足，要重新評估餵食同運動嘅安排。
• 達標後仍然要監察：進入維持期之後，都要定期追蹤體重，避免翻肥，形成一個良好嘅循環。

唔一定嘅。不過想貓貓食得健康，唔會過肥，高蛋白、低碳水嘅飲食要求就更加關鍵，仲要確保佢哋食到根據AAFCO/NRC營養標準研製嘅貓糧或者濕糧。

搵緊幫貓貓減磅嘅貓糧？Heromama 益生菌晶球夾心糧 符合高蛋白、超低碳水嘅要求，每粒貓糧都夾住新鮮雞肉凍乾，仲特別加入益生菌晶球同埋機能凍乾，好味之餘，亦幫助貓貓控制體重👉即刻去睇吓

【全新升級】益生菌晶球夾心糧 | 適合所有年齡貓貓

貓貓成日叫，唔一定只係肚餓，亦可能係想你𠱁佢玩，或者悶親佢。

以下幾個方法可以幫你更有效咁處理：

• 避免即刻餵食：貓貓一叫嗰陣，唔好心軟即刻餵嘢食，咁樣會令佢學識用叫聲嚟換取食物。
• 分散注意力：用玩耍、撫摸或者陪伴佢嚟代替餵食，等貓貓喺互動中得到滿足感。
• 轉為少量多餐：將每日嘅總糧食量分成多幾餐去餵，幫助穩定血糖，同時減少肚餓嘅感覺。

幫貓貓減磅，係一個考驗貓主耐心同責任心嘅過程。

由飲食、運動，到監控同調整，呢個唔單止係為咗幫貓貓瘦身，更係為咗佢哋可以擁有更長命、更健康生活嘅關鍵。今日就開始行動啦！

• https://www.cats.org.uk/help-and-advice/diet/cat-obesity
• https://www.petobesityprevention.org/weight-loss-cats
• https://vcahospitals.com/know-your-pet/creating-a-weight-reduction-plan-for-cats
• https://www.petmd.com/cat/symptoms/cat-losing-weight