狗仔牙石刷得甩㗎？正確清除狗仔牙石方法咁做！

你有冇留意到狗狗牙肉附近，有啲黃綠色嘅牙石，仲會伴隨嚴重口氣甚至乎牙齒鬆動？咁可能係狗狗正深受「牙石」所困擾！

狗狗牙石嘅形成，好多時都係因為「平時清潔口腔不足」而引起。

當主人冇定期幫狗狗刷牙，食物殘渣就會同細菌、口水入面嘅礦物質結合埋一齊形成牙菌斑，最後積聚鈣化，變成牙石。

通常狗狗有牙石就會開始出現以下病徵，各位主人要多加留意：

• 口氣好重
• 口水有血絲
• 牙肉紅腫發炎
• 食嘢有困難
• 食慾減退
• 體重下降
• 冇晒精神
• 流鼻水、打乞嗤、眼分泌物多咗
• 唔鍾意畀人掂個鼻或個嘴

如果主人懷疑狗狗生牙石或者有口腔問題，以下有 3 個喺屋企都做到嘅簡單口腔健康檢查步驟：

健康狗狗嘅口水通常都冇乜味，如果聞到有明顯嘅異味，好似有腐爛味或者腥臭味，可能就係口腔有細菌滋生或者受感染嘅警號。

輕輕撥開狗狗嘅咀唇，檢查下佢嘅牙肉係咪健康嘅粉紅色、摸落去實淨，同埋冇紅腫。

如果狗狗出現疼痛反應或者唔肯畀你掂，可能就係口腔唔舒服嘅警號。

留意下牙齒有冇崩裂、甩咗，或者黐住啲黃綠色或啡色嘅一舊舊污漬（可能係牙石）。

此外，如果狗狗出現只食軟嘢、胃口差咗、咬嘢有困難、流晒口水或者淨係用一邊咀嚼，都可能同牙石或者牙肉發炎有關。

延伸閱讀：狗狗唔食飯但係精神好好？2 大「狗狗唔食飯」情況可能係病徵！

狗狗嘅牙石唔係一日半日就形成嘅，而係長期積聚出嚟嘅結果，明白原因先可以更有效咁預防！

以下整理咗狗狗最常見嘅 6 大牙石成因：

水分可以幫手沖走口腔入面嘅食物殘渣同細菌，維持口腔嘅自我清潔能力。

如果狗狗飲水太少，口水分泌唔夠，自我清潔嘅效果就會下降，牙菌斑就會更快咁積聚同硬化變牙石。

冇定期刷牙，都係狗狗形成牙石最主要嘅原因。

食物殘渣同細菌會喺牙齒表面形成牙菌斑，如果唔及時清走，牙菌斑就會慢慢鈣化變硬，變成好難刷走嘅牙石。

有啲狗狗（特別係小型犬）天生牙齒生得太密或者牙齒結構比較特別，會比較容易積聚牙菌斑，進一步形成牙石同牙周病。

免疫力比較低嘅狗狗，口腔嘅菌叢平衡容易被破壞，細菌更容易繁殖，令牙菌斑同牙石形成嘅速度加快。

雖然每隻狗狗都有機會生牙石，但以下幾類風險會高啲：

• 小型犬：例如約克夏、芝娃娃、貴婦狗等，因為口腔結構比較擠擁，更容易積聚牙石。
• 年長狗狗：年紀越大，生牙石同患牙周病嘅機會就越高。
• 唔多刷牙嘅狗狗：如果狗狗冇定期清潔牙齒嘅習慣，就更容易有口腔毛病。
• 食開濕糧嘅狗狗：濕糧比較冇磨牙效果，容易留低牙菌膜。

絕對有可能！

當口腔入面嘅細菌同毒素入咗血之後，可能會影響到心臟、腎臟、肝臟等等器官，再引起發炎，甚至搞到全身敗血症添！

除咗咁，如果狗狗啲牙石積聚咗又唔理，會搞到牙齦發炎；嚴重起上嚟仲會搞到牙肉萎縮、甩牙，變成牙周病。

持續惡化甚至會令到下顎骨折斷，或者眼底面部生膿瘡、流膿，呢啲都會嚴重影響到狗狗嘅健康。所以，主人一旦發現狗狗有咩唔妥，建議即刻帶佢睇獸醫啦！

一旦牙菌膜硬化變咗牙石，係唔會自己甩嘅，亦都刷唔甩，一定要經由獸醫專業洗牙先可以徹底清除！

屋企用嘅牙膏、潔齒啫喱呢啲產品，雖然有助於預防牙菌膜，對於好輕微嘅牙石，或者有少少軟化作用，但都唔足以完全清除牙石。

另外，唔建議主人自己用工具刮走狗狗嘅牙石，咁樣唔單止容易整傷狗狗脆弱嘅牙齒同牙肉，仲可能會導致出血或者感染嘅風險。所以建議搵獸醫做專業洗牙處理，咁先可以確保狗狗口腔健康同安全！

狗狗有牙石，主要都係靠洗牙搞掂，收費就會因體型、病況同地區而有所唔同，以下係參考收費：

雖然專業洗牙嘅總收費可能閒閒哋過到一萬元，不過，如果可以定期幫狗狗洗牙，就可以預防更嚴重嘅口腔疾病，又或者避免因感染引起嘅全身性健康問題，長遠嚟講，仲可以幫你慳返一大筆醫療開支！

想預防狗狗有牙石，其實由日常生活開始，培養以下好習慣，就能夠有效咁減低牙菌膜同牙石形成嘅機會：

日日幫狗狗刷牙，一定係最直接又最有效預防牙石嘅方法！

可以先畀狗狗聞吓或者舐吓牙膏，跟住用手指或者紗布輕輕掂吓牙肉，之後再慢慢轉用指套或者狗狗專用嘅軟毛牙刷。

幫狗狗刷牙嗰陣，主人要保持耐性同溫柔，適時畀啲讚賞或者零食獎勵，咁樣先可以逐步建立狗狗對刷牙嘅正面經驗。

💡提提你：千祈唔好用人嘅牙膏，因為入面有嘅木糖醇（Xylitol）對狗狗嚟講係有毒嘅，可能會搞到佢哋中毒，建議揀返啲專為狗狗設計嘅牙膏，確保安全穩陣。

除咗刷牙之外，都可以用其他輔助產品幫手保持口腔清潔：

• 畀潔齒骨或磨牙玩具：透過摩擦作用，幫手清除牙齒上嘅牙菌膜同牙垢。
• 揀啲有潔齒功能嘅處方糧：呢啲糧嘅顆粒比較大，而且設計特別，可以增加佢哋食嘢時嘅摩擦力，喺日常飲食入面預防牙垢積聚。
• 用潔齒粉、口腔啫喱或噴霧：有助減少細菌滋生、分解牙菌膜同埋輕微牙石。

💡提提你：用口腔清潔產品唔代表可以完全取代刷牙，應該兩者互相配合，清潔效果先會更全面㗎！

更多資訊：狗狗食糧可以潔齒？3大迷思大拆解，教你點樣保持毛孩口腔健康！

建議每年帶狗狗去做一次口腔健康檢查，老狗建議每半年一次，咁樣先可以及早發現牙石或者其他牙周問題。

另外，獸醫亦會根據狗狗嘅實際口腔狀況，建議使唔使洗牙，通常每年洗牙一次就最好。

因為就算日常口腔保健做得幾好，但係有啲難以掂到嘅罅隙或者死角，都係要透過洗牙先清潔到，咁樣先可以全面咁避免狗狗因為牙石而帶嚟嘅痛楚同疾病！

• https://animaldentalspecialists.com/plaque-and-calculus-in-dogs-and-cats/
• https://petzpark.com.au/blogs/petz-park-blog/how-to-clean-tartar-from-dogs-teeth-with-no-vet?srsltid=AfmBOoqssRkV2Aw41pok2_bcePgOto2F0FxHbedYB3TF1tFGbdqIhnTV”
• https://vcahospitals.com/know-your-pet/tartar-prevention-in-dogs
• https://vetdentistwi.com/plaque-tartar-and-calculus-in-dogs-and-cats/
• https://www.wellpets.com/blog/189-why-dog-has-tartar/