Author Archives: simon_lu

如果確定唔係貓牙痛或大病，而係佢單純「食厭咗」或者揀嘴，不妨試下以下幾招： 轉個花款：肉泥、肉絲、肉塊，各種口感輪流上陣，總有一款啱佢。 加熱更香：將罐罐隔水座暖（約 35-40 度），溫熱嘅食物香氣強好多，容易引誘佢開口。 乾糧「加料」

啱啱開始食固體食物嘅BB貓，可能仲未確定自己鍾意咩口味或質地。你可以試下： 轉唔同嘅罐頭或乾糧，例如肉泥狀、肉絲狀，或者唔同形狀嘅乾糧。 你亦可以加少少暖水或無鹽雞湯，浸軟乾糧，令味道更香、更容易入口。 亦可以稍微加熱罐頭（但唔好太熱），因為貓主要靠嗅覺決定食唔食，味道夠香先有吸引力。 幼貓嘅免疫力仲未夠強，好易感染上呼吸道疾病。 如果你隻貓有打乞嗤、流鼻水、眼分泌物多，佢可能係因為鼻塞聞唔到食物嘅味道，所以先冇胃口食飯。 呢種情況要多啲觀察，如果狀況變嚴重，最好就搵獸醫檢查下。 無論係幼貓定成貓，有啲貓貓就係超級鍾意亂咬嘢，好似繩、膠袋、橡筋呢類細小物件，萬一唔小心食咗落肚，可能會塞住腸胃，導致冇胃口、嘔吐、肚痛。 如果你隻貓食慾突然下降，又伴隨住嘔吐、便秘、冇精神，就要即刻帶佢去睇獸醫。 有啲貓貓天生比較細膽，食飯嗰陣如果側邊有第二隻貓或者狗，可能會緊張到唔敢食。 如果屋企仲有其他寵物，可以試下：   畀貓貓有獨立嘅食飯空間，確保佢食飯時唔會受到騷擾。   將食飯時間錯開，等佢可以安心進食。 貓貓對環境超級敏感，啱啱到新屋企，或者屋企有大變動（例如搬屋、換咗貓砂盆位置），都可能會令佢哋好緊張，導致暫時唔食嘢。 呢種情況通常適應幾日就會冇事，但你可以保持作息穩定，畀BB貓有足夠安全感。 畀佢一個固定嘅食飯角落，避免不必要嘅騷擾。 有時候，貓貓就係純粹唔鍾意兜嘢食。你可以試下： 除咗轉唔同牌子嘅罐頭或乾糧。 你亦可以試下洗乾淨個食兜，確保冇殘留舊食物嘅異味。 都唔好一次放太多乾糧，避免長時間接觸空氣而走味或變質。 如果你隻貓貓 唔食嘢，但依然活蹦亂跳、好肯玩，可能只係短暫嘅胃口唔好，唔使太緊張。常見嘅原因包括：   啱啱換環境，仲適應緊，等佢熟悉咗就會正常返。   之前食得太飽，而家唔肚餓，有時貓會自己調節食量，特別係啱啱轉糧或者食完高熱量罐頭。   揀飲擇食，對食物冇興趣，試下轉唔同牌子或口味，睇下佢肯唔肯食。 貓貓長時間唔食嘢好易會導致脂肪肝，呢個係好危險嘅急症，甚至會威脅生命。 如果貓貓超過 24 小時都完全唔食嘢，建議盡快帶去畀獸醫檢查，千祈唔好拖。 如果你隻幼貓活力正常，但唔多肯食嘢，可以試下 加熱罐頭、轉下食物、加啲雞湯，睇下能唔能夠提升食慾。如果點試都冇用，都係帶去獸醫檢查比較安心！ 好多新手主人會擔心：「點解我隻貓食兩啖就走開？」其實，呢個係正常嘅！ 貓貓嘅進食習慣同人類唔同，佢哋天生傾向 少量多餐，一日可能會分 10～20 次食，每次只係食少少。 所以，如果你發現BB貓唔係一次過食晒成兜嘢，而係食幾啖就走開，過一陣又返嚟食，呢個係貓貓嘅本能，唔需要特別擔心。 如果BB貓超過一日都冇食嘢，或者有以下症狀，請即刻搵獸醫：   嘔吐或肚痾   渴睡、冇精神   呼吸急速或困難   皮膚或眼白變黃（可能係肝臟問題） 貓唔食嘢嘅原因有好多，可能係 揀嘴、環境壓力、身體唔舒服，甚至只係單純嘅少量多餐。 如果你隻貓貓精神好好，仍然肯玩肯跑，可以先觀察 24 […]