貓咪嘴刁點算好？獸醫教你調整飲食嘅實用貼士

你屋企隻貓係咪都係「食兩啖就走」、又「日日要轉口味」嗰種呢？

唔使咁急住怪佢任性，其實嘴刁貓好多時都只係「未搵到最啱佢口味嗰啖」。

呢篇文會由了解貓貓喜好、調整飲食同埋評估食量三個方面入手，幫你重新建立貓貓嘅進食信心同良好習慣。

貓貓揀飲擇食有幾招應對方法，包括：

1. 先觀察吓佢平時鍾意食乜，唔鍾意食嘅直接記低，下次就換過佢。

2. 可以試多幾款唔同牌子或口味，甚至乎一餐餵乾糧，一餐餵罐頭，撈埋一齊畀佢試吓都得。

3. 每日定時定候餵佢，等佢知道幾時有飯食，會安心啲。

4. 多啲陪佢玩吓郁吓，每日玩 30 分鐘貓棒，做完運動貓貓會胃口好啲㗎。

5. 啲嘢食一定要新鮮，啱啱開嘅罐頭啲香味好吸引貓貓㗎。

最重要唔係夾硬逼貓貓食，而係搵到佢肯試嘅第一啖。

有研究指出，貓B會偏愛媽媽食過嘅味道。即係話，由細食開乾糧嘅貓貓，突然轉食罐頭會唔習慣，係好正常嘅。

如果係領養嘅話，可以問吓暫托義工，佢哋都習慣食開乜嘢牌子嘅罐頭或者乾糧。

有啲貓貓鍾意食肉絲，有啲就鍾意食肉醬，有啲鍾意食乾身啲，有啲就鍾意食多汁啲嘅罐頭，呢啲都係餵貓貓食飯嗰陣可以多啲留意吓嘅地方。

可以試吓將主食壓爛、加熱、加水浸軟，搵出佢最鍾意嘅口感組合。

就算係同一個口味，唔同牌子整出嚟嘅香味、油份、濃稠度都可以爭好遠㗎。

就算都係雞肉罐頭，可能貓貓肯食 HeroMama 嘅，但係其他牌子就唔食㗎啦。

又或者你可以試多幾款唔同口味輪住餵，搵到貓貓鍾意食嘅肉類！佢可能鍾意食三文魚、秋刀魚或者牛肉等等。

貓貓係靠嗅覺去決定食唔食嘢嘅動物。如果試過好多種口味都唔食，都可以試吓隔水坐熱（或者叮吓）去到大約30°C，等罐頭嘅香味散發出嚟，貓貓都比較肯食。

貓貓唔肯食嘢嘅話，你亦可以喺貓糧或者罐頭上面，撒少少凍乾肉鬆、芝士碎，又或者任何佢鍾意嘅嘢食，嚟引誘貓貓埋嚟、聞吓、舔第一啖，只要貓貓肯埋近啲嘢食，就已經係進步嘅第一步。

透過尋寶迷宮、藏食球呢類方法，等貓貓自己搵到嘢食，激發佢嘅狩獵慾望同埋成功感。

⚠ 建議每個禮拜玩 1~2 次就夠，唔好日日用，費事貓貓玩慣咗之後反而玩厭咗。

好多揀飲擇食嘅貓貓，其實卡路里攝取量已經超晒標。尤其係食得太多罐頭、零食，會搞到貓貓主餐食唔落。

✅ 建議你記錄 3~5 日嘅「貓貓飲食日記」，將食過嘅主糧、零食全部寫低，同埋計吓總熱量。

如果你唔肯定貓貓每日應該食幾多熱量，可以問吓獸醫意見，根據佢嘅年齡、體重同埋活動量去調整分量。

行為特徵：第一次見到新貓糧或者新罐頭，唔會即刻食，會坐喺隔離望實，甚至等你走開咗先慢慢埋去。

應對方法：轉換糧食嘅適應期要拉長（7~10日）

初時溝少少佢平時食開嘅糧

放喺有佢熟悉味道嘅碗入面，等佢冇咁大戒心。

想知點樣【幫貓貓轉糧？】可以睇吓呢篇：貓狗轉糧正確流程！貓貓唔肯食新糧、狗狗唔食嘢就睇呢篇

行為特徵：轉咗新環境就開始絕食、發脾氣就唔食飯，甚至因為俾你鬧咗一下就開始揀飲擇食。

應對方法：保持固定餵食時間同埋節奏，避免喺佢食嘢嗰陣騷擾佢（影相、抱貓），畀貓貓安全感，減少環境轉變。

行為特徵：同一個牌子嘅罐頭，只係因為天氣忽冷忽熱或者質地唔同，就唔肯食落肚。

應對方法：輕輕加熱，模擬番原始風味，將啲嘢食壓碎、調整吓濕潤度，搵出主子鍾意嘅質地~

行為特徵：某一款罐頭食過一次就認住咗，其他全部都唔睬，連差唔多嘅味道都唔肯接受。

應對方法：平時就要建立輪流餵食嘅習慣，同一個品牌唔同口味輪流餵，慢慢溝埋一齊等佢味蕾適應其他選擇。

行為特徵：食到一半聽到少少聲就走開，或者一路都好警惕四周，食嘢唔專心。

應對方法：獨立嘅食飯空間（避免電視、掃地機械人騷擾），用遮蔽式碗架、慢食碗，又或者食飯前用舒壓噴霧或者費洛蒙產品幫佢放鬆吓~

揀飲擇食嘅貓貓其實只係對食嘢呢件事比較「有自己一套」。與其強迫佢，不如陪佢慢慢搵到最啱嘅節奏同埋方式。

但貓貓亦有機會因為生病而唔食飯，可以參考吓呢篇文章：

貓貓突然唔肯食飯點算好？6個常見原因等你唔使再亂估！

由觀察佢嘅喜好開始、調整質地同埋溫度、引導佢建立食嘢習慣、控制零食熱量，咁貓貓唔再揀飲擇食就只係時間問題喇。