溫馨提示：本文用詞已根據寵物食品相關規範作審慎調整，盡可能清楚傳達資訊，感謝各位主人嘅體諒！
無論你係啱啱開始養貓嘅新手，定係資深貓奴，呢篇文都會由正常甩毛、異常甩毛一次過同你分析，幫你判斷貓貓甩毛狀況、對症下藥，等主子保持一身靚毛，生活更安心！
貓甩毛係咪正常？3 大原因唔使驚！
只要甩毛量穩定、皮膚冇異樣，就唔使太擔心。以下係 3 種常見嘅正常甩毛情況：
貓甩毛正常原因 1：季節性換毛
貓甩毛正常原因 2：年齡影響
- 幼貓：出世 5 – 6 個月左右會由 BB 毛換成貓毛，甩毛量可能會增加。
- 老貓：年紀大咗，毛囊活性降低或關節唔舒服影響理毛，導致少量甩毛。
貓甩毛正常原因 3：品種差異
- 長毛貓（例如波斯貓、緬因貓）：甩毛量睇落比較多，需要更勤力梳毛。
- 短毛貓（例如美短、英短）：雖然甩毛量較少，但一樣要定期清理。
- 無毛貓（例如斯芬克斯貓）：雖然睇落冇毛，但仍會甩啲好幼細嘅毛毛或角質。
貓貓係咁甩毛？7 種異常原因要小心！
如果貓貓甩毛突然變多，甚至出現一撻撻禿、R痕、紅腫，就可能係健康出咗警號，請特別留意係咪以下狀況：
貓甩毛異常原因 1：過敏性皮膚病
對食物、環境（例如塵蟎、花粉）或跳蚤口水過敏，導致痕癢、出紅疹、甩毛。
貓甩毛異常原因 2：寄生蟲感染
跳蚤、蟎蟲（耳蟎）導致皮膚發炎，出現R痕、禿毛，跳蚤過敏性皮膚炎尤其常見。
貓甩毛異常原因 3：皮膚感染
真菌感染（貓癬）會引起局部圓形禿毛，毛髮脆弱，常見於免疫力低嘅貓貓。
貓甩毛異常原因 4：壓力與焦慮引起
環境變動、屋企有新成員、或者太悶，都會令貓貓過度理毛（心因性甩毛），造成甩毛。
貓甩毛異常原因 5：營養不良
缺乏蛋白質、鋅、維他命A等，或食得太鹹，都會令毛髮變脆、容易甩。
貓甩毛異常原因 6：荷爾蒙失調
例如甲狀腺問題、庫欣氏症等，會令毛髮質素下降，甩毛可能呈對稱性。
貓甩毛異常原因 7：其他潛在疾病
貓甩毛部位有玄機！5大甩毛位置分析
唔同部位嘅甩毛原因都有唔同，透過觀察甩毛分佈，有助主人更快掌握貓貓身體狀況：
- 貓耳仔甩毛 / 貓耳背甩毛：耳蟎、貓癬、食物或接觸性過敏。
- 貓下巴甩毛：毛囊炎（貓暗瘡）、過敏反應。
- 貓頸甩毛：頸圈摩擦、跳蚤咬傷、R得太勁。
- 貓尾巴甩毛：跳蚤叮咬、過度舔毛或荷爾蒙失調（種馬尾）。
- 貓肚同大髀內側甩毛：壓力大、膀胱炎、關節痛造成過度理毛。
貓甩毛到咩程度要睇醫生？
當你發現貓貓出現以下情況，就要特別注意，呢啲都係潛在嘅健康警號：
- 局部一撻撻禿毛或毛髮稀疏
- 甩毛同時伴隨皮膚紅腫、疼痛、結焦、有粒粒或異味
- 貓貓不停R痕、咬毛、過度舔毛
- 行為變得焦慮或異常
- 體重明顯增加或減少
- 嘔吐、肚痾頻密
- 飲水多咗或去廁所頻率改變
就算懷疑係壓力引起，都建議諮詢專業獸醫，排除其他可能嘅潛在疾病。
千祈唔好自己估估下或拖延，及早搵出原因先可以畀貓貓最適合嘅照顧。
貓貓異常甩毛點算好？6大原因要對症下藥
唔同嘅甩毛誘因，需要完全唔同嘅處理方式，以下整理出常見 6 大原因同對應嘅治療方向：
- 寄生蟲：使用杜蟲藥，並同時進行家居大清潔。
- 過敏：搵出並避開致敏源，必要時配合藥物或處方糧。
- 感染：經獸醫診斷後，使用抗生素或抗真菌藥物。
- 營養問題：改善飲食，補充 Omega-3 等營養素。
- 壓力問題：透過豐富化環境、用費洛蒙、增加陪伴時間等方式改善。
- 內分泌疾病或慢性病：需要由獸醫協助，進行長期治療同跟進。
貓貓異常甩毛有冇得醫？
慢性疾病雖然可能需要長期控制，但透過良好照顧同定期覆診，一樣可以幫貓貓維持穩定生活同靚毛。
減少貓甩毛 8 招！日常改善法咁樣做
想減少貓甩毛問題，其實可以由日常生活細節做起。
無論係飲食調整、環境管理，定係壓力紓緩同互動陪伴，呢啲睇似簡單嘅習慣累積起嚟，對貓貓毛髮健康都有明顯幫助。
以下整理出 8 個實用嘅日常照顧方法，幫主人由源頭改善甩毛狀況：
貓甩毛改善法1：每日梳毛
定時幫貓貓梳毛，可以有效清走廢毛同防止打結，減少毛球形成，亦可以促進血液循環、維持毛髮健康。
貓甩毛改善法2：均衡營養
提供高品質、營養完整嘅主食係維持皮膚同毛髮健康嘅關鍵，特別係含有足夠蛋白質同 Omega-3 脂肪酸嘅配方。
貓甩毛改善法3：維持規律作息
避免環境或生活作息有太大變化，維持穩定嘅日常規律，可以令貓貓感到安全，減少壓力性甩毛。
貓甩毛改善法4：家居清潔
定期吸塵，清潔地板、梳化、床單同貓貓成日瞓嘅地方，並除塵蟎，可以減低致敏源引起嘅皮膚痕癢同甩毛問題。
貓甩毛改善法5：適度曬太陽
適量嘅日照可以幫助皮膚代謝、提升免疫力，但應避免陽光直射太耐，以免中暑或曬傷。
貓甩毛改善法6：使用專用沖涼液
如果需要沖涼，務必揀貓貓專用、溫和冇刺激嘅沖涼液，保持皮膚清潔嘅同時，避免造成乾癢或刺激。
貓甩毛改善法7：多啲互動陪伴
花時間陪伴同互動，可以增強貓貓嘅安全感同信任，減少因為焦慮而導致嘅異常甩毛或過度舔毛行為。
貓甩毛改善法8：定期身體檢查
每年帶貓貓做健康檢查，可以及早發現皮膚病、內分泌異常等潛在問題，等甩毛狀況可以被及時改善。
貓貓甩毛食咩好？補充呢樣最關鍵！
貓貓甩毛常見嘅營養需求有蛋白質、維他命同礦物質，但其中最普遍會補充嘅營養，就係 魚油中含有嘅 Omega-3 脂肪酸。
魚油能幫助穩定皮膚環境，亦可以令毛髮保持健康亮澤。日常除咗提供均衡嘅高蛋白飲食，都可以畀貓貓適量補充魚油保健品，例如毛掌醫學嘅純魚油保健肉泥，一撕開就餵得，係最簡單、最直接嘅方式！
貓甩毛唔係小事，由日常守護皮毛健康
我哋可以由日常梳毛、營養管理、環境照顧等多方面着手，幫貓貓維持亮麗毛髮，亦令彼此生活更有安全感同幸福感。
如果你發現貓貓甩毛異常，請記得唔好自己判斷，「及早就醫」先係對佢最溫柔嘅守護。每一次毛髮嘅變化，都係佢畀你嘅健康提醒，唔好等小警訊變成大問題。
你可能還想看
參考資料
- https://arrowheadvets.com/blog/cat-is-losing-hair/https://palosanimalhospital.net/5-reasons-cat-losing-hair/
- https://www.petmd.com/cat/conditions/skin/alopecia-cats-what-it-and-why-your-cat-losing-hair
- https://bestfriends.org/pet-care-resources/cat-hair-loss-causes-and-treatment
- https://www.petsbest.com/blog/hair-loss-in-cats
- https://heartandpaw.com/pet-parent-resources/cat-hair-loss