原來唔可以咁樣抱狗狗？！即刻睇吓 3 種常見嘅錯誤抱狗手勢！
見到得意嘅狗狗，好多時都會忍唔住想一嘢抱起佢哋，但如果抱嘅姿勢唔啱，嚴重起上嚟隨時會整親佢哋，甚至搞到癱瘓㗎！
所以今次就同大家分享呢個重要知識，下次抱狗狗之前，就可以確保佢哋舒舒服服又安全啦！
呢種抱法會令狗狗露出最脆弱嘅肚仔，搞到佢哋好焦慮不安。這時候如果不小心無抱實，好容易令狗狗跌親，或者喺掙扎嗰陣扭親。
錯誤抱法二｜趴抱
呢個可能係最常見嘅錯誤抱法！尤其係中大型狗狗，咁樣抱會令佢哋嘅重量集中晒喺脊椎同下半身，容易壓住脊椎神經造成受傷，嚴重仲有機會導致癱瘓添！！錫狗狗嘅你哋一定要注意呀～
錯誤抱法三｜雙腳懸空
呢個抱法同上面嘅腋下抱有啲似，都係因為姿勢錯誤令狗狗重量集中錯位。
好似雙腳懸空吊吊揈咁，好容易因為無支撐，令狗狗嘅手臂關節拉扯，搞到韌帶受傷。
短時間抱起可能都還好，但絕對要避免狗狗長時間下半身懸空呀！
正確抱法｜中小型犬
對於細隻啲嘅狗狗，正確抱法係要令佢全身都有支撐。可以一隻手由前面抱住胸口，另一隻手喺後面托住屁股同大髀，等狗狗可以輕輕鬆鬆咁坐喺你手臂上，好有安全感咁畀你抱住。
正確抱法｜大型犬
大型狗狗因為比較重，如果有需要抱起就要更加小心。
除咗好似抱細狗咁要分別托住前後之外，亦可以畀狗狗成隻靠喺你身上，等佢被抱嗰陣有更完整嘅支撐，避免受傷喔！
睇完呢篇，係咪更清楚點樣正確抱狗狗呢？之後同狗狗互動嗰陣，就可以更加確保佢哋嘅安全啦！
Sale!
Sale!
