新手貓奴必讀！養貓開支、用品清單、注意事項

第一次養貓真係又興奮又期待！諗起每日返到屋企，都有一隻毛茸茸、超得意嘅貓貓等你，個畫面簡直係最强治癒。

不過，養貓絕對唔係因為「貓貓好得意」就一時衝動帶佢返屋企。作為主人，你需要有心理準備，承諾對呢個小生命負責任直到永遠。

各位準貓奴唔使緊張！我哋會由養貓嘅優缺點講起，一步步教你點樣準備環境、迎接貓貓返屋企，仲有常見問題解答，幫你順利成為一個合格嘅鏟屎官！

養貓除咗「得意」之外，其實對主人嘅身心健康都有好多正面影響㗎！

1. 貓貓幫手舒緩壓力同焦慮

根據 美國精神醫學會（APA） 2023 年嘅研究，86% 嘅寵物主人認為寵物嘅陪伴可以提升心理健康，好多貓奴都話，有貓貓陪住真係可以有效減輕壓力同焦慮。

2. 貓貓自理能力強，唔使太操心

貓貓天生獨立，識得自己清潔毛髮，唔使成日沖涼。加上佢哋唔似狗狗咁要每日落街散步，屋企只要有適合攀爬嘅空間，貓貓就可以自己玩、放電。

3. 貓貓比較長命，可以陪你更耐

比起狗狗，貓貓嘅壽命通常長啲，平均約 12-18 歲，甚至有健康嘅貓貓可以活超過 20 歲！只要照顧得好，佢哋可以陪你好長一段時間。

當然，養貓唔係全部都係優點，仲有一啲挑戰要面對，睇下你接唔接受到啦！

1. 屋企環境同氣味嘅變化

雖然貓貓愛乾淨，但甩毛、貓砂盤嘅味道難免會影響居家環境，特別係長毛貓甩毛量比較多，要勤力清潔。另外，貓貓有磨爪習慣，如果無準備貓抓板，梳化同牆紙隨時變成「犧牲品」。

2. 飼養成本唔惹少

養貓唔係買包糧就搞掂，打針、身體檢查、絕育手術、優質貓砂、罐罐等全部都係固定開支。萬一貓貓病咗或受傷，醫療費分分鐘幾千甚至過萬蚊。

3. 需要時間觀察同陪伴

雖然貓貓獨立，但佢哋都需要主人關心。你需要花時間觀察貓貓嘅健康狀況、飲食習慣，同佢玩下互動下，避免貓貓因為太悶或者無人理而有壓力。

如果你已經準備好做貓奴，咁我哋就開始事前準備啦！下面提供參考預算、完整用品清單同環境佈置貼士，手把手帶大家一次過預備好！

基本上，養貓用品分兩大類：「基礎配備」 同 「日常消耗品」。前者通常買一次可以用好耐，後者就要定期入貨。

以下整理咗一份 養貓必備用品清單，畀新手貓奴參考。建議接貓返屋企前買定先，免得臨時臨急，之後再按貓貓需求加購或更換都未遲。

1. 養貓基礎配備

2. 養貓日常消耗品

延伸閱讀：【2026更新】12 款貓乾糧推薦！3 分鐘學識貓糧點樣揀

準備好用品之後，就要執下屋企環境啦。建議喺靜嘅角落放貓窩，等貓貓可以安心休息；至於貓砂盤，要放喺少人行過、安靜嘅地方，確保貓貓去廁所有足夠私隱度。

貓抓板一定要有，可以放喺地下或者貓窩附近，減少貓貓抓爛梳化嘅機會。如果屋企夠位，都可以裝個高身嘅貓爬架，貓貓天性鍾意跳高同居高臨下，咁樣會令佢覺得自在同安全。

另外，窗戶同屋企潛在危險物品都要做好安全措施，特別係住高樓大廈，一定要裝貓貓專用嘅窗網（貓網），防止貓貓跌落街。只要佈置好，貓貓就可以放心探索新環境啦！

剛開始養貓第一個月，除咗基礎用品同日常消耗品，仲可能有「醫療與健康檢查」嘅費用。以下係預算參考，畀各位新手貓奴有個底：

1. 基礎用品費用

2. 日常消耗品費用

3. 醫療與健康保健費用

4. 養貓首月總開支

呢個預算適合新手，實際支出要睇返個人情況調整。建議先衡量自己嘅財政狀況，確保負擔得起貓貓嘅日常開支，先決定養唔養貓。

除咗基本使費，亦建議預留 HK500～HK800 做醫療應急基金，以備不時之需，確保有突發事都可以即時處理。

評估完養貓嘅好壞處，又確定財政無問題，接下來就要決定帶邊隻貓貓返屋企啦！

唔同品種、年齡嘅貓貓性格都唔同，這裡整理咗新手可能會遇到嘅常見問題，一齊嚟睇下啦！

只要有決心照顧好貓貓，無論邊種品種都可以養！

不過揀貓嗰陣，除咗睇樣同毛色，都要了解下各品種可能會有嘅遺傳病。例如，布偶貓比較容易腸胃敏感，而摺耳貓就經常有關節問題。

當然，唔代表呢啲品種一定會病，但你要喺決定前充分了解貓貓嘅健康狀況，做好心理準備，畀佢最適合嘅照顧。

幼貓活潑好動，但需要多啲時間教同陪；而成貓性格比較穩定，更適合工作忙、時間有限嘅主人。

如果你希望貓貓獨立啲、無咁百厭，可以考慮領養成貓，同時亦可以畀流浪貓一個溫暖嘅家。

延伸閱讀：幼貓應該食咩？幼貓罐頭 VS 乾糧，餵食全攻略！

優先考慮從愛護動物協會（SPCA）、合法領養機構或認可嘅貓義工度領養，呢啲地方嘅貓貓通常已經驗過身同做咗基本醫療處理。

若選擇購買，請務必揀信譽良好嘅持牌貓舍，並確認繁殖環境符合動物福利標準，千祈唔好幫襯非法繁殖場（黑店）！

搞掂晒準備，恭喜你即將迎接新成員啦！

不過，第一次接貓返屋企難免會緊張，唔使驚，這裡為你整理咗接貓前後嘅關鍵事項，幫貓貓順利適應新環境，確保佢健康安全！

接貓貓返屋企前，一定要確認係咪已經 打晒針（疫苗） 同 體內外杜蟲。呢啲防護措施可以有效預防傳染病同寄生蟲。如果係收養流浪貓，建議先帶去獸醫診所做 全面身體檢查，建立完整嘅醫療紀錄。

新環境可能會令貓貓緊張不安，所以建議 先準備一個安靜嘅小空間（例如一間房或一個籠），等佢慢慢適應新屋企。準備舒服嘅窩、乾淨水同適量食物，儘量唔好成日騷擾佢。等貓貓慢慢習慣之後，先再擴大佢嘅活動範圍，建立安全感。

每日至少鏟屎一次，每星期換成盆貓砂，咁樣可以保持廁所乾淨，減少臭味同細菌滋生。良好嘅衛生習慣唔單止令貓貓住得舒服，仲可以有效降低疾病風險。

新手貓奴要知邊啲食物對貓貓 有害，例如 朱古力、洋蔥、蒜頭、提子等，千祈唔好因為貓貓八掛想食就餵佢！

貓貓嘅主食應該以 專用乾糧或主食罐 為主，適量搭配零食。但要留意 避免過量餵食，以免影響健康或者變肥貓。

延伸閱讀：貓貓鍾意食魚係誤會？貓其實唔食得生魚？「貓食魚」迷思全破解！

養貓過程充滿歡樂，但也可能遇到令人焦慮嘅狀況。為咗幫新手貓奴減少煩惱，特別整理咗 4 大常見問題，幫你快速掌握養貓知識！

一般嚟講，公貓約 7～12 個月大，貓女則約 5～6 個月大就可以做絕育手術。不過具體時間都要睇貓貓嘅健康狀況，由獸醫評估後決定。

如果貓貓偶爾嘔或拉肚子，可能係食錯嘢或者腸胃不適。不過，如果症狀持續超過 24 小時，就要即刻帶去獸醫檢查，唔好自己亂餵藥。同時，記低貓貓嘅症狀同發生時間，方便獸醫診斷。

Shutterstock
探索

當貓貓感到壓力時，可能會出現 過度舔毛、長時間匿埋、無胃口或者亂痾尿 等行為。主人可以觀察環境係咪有嘢嚇親佢，適時安撫下佢。如果情況無改善，建議諮詢獸醫或動物行為專家。

兩樣都得，最緊要營養均衡。

乾糧方便保存又有助牙齒健康，罐頭含水量高，可以幫手補充水分。部分主人會採用半濕食餵養法（乾濕混合），依照貓貓嘅飲食習慣同健康需求做調整。

如果你隻貓貓成日挑食、唔願開口，咁 HeroMama 可能係你嘅最佳選擇！我哋深入研究嘴刁貓貓嘅口味，開發出適口性高、營養均衡嘅貓糧，令毛孩食得開心又健康。

由 2021 年起，HeroMama 陸續推出 溯源鮮肉主食罐、海陸派對主食罐 同 輕盈低卡主食罐，採用蛋白質切割技術，針對貓貓所需嘅胺基酸分子進行調整，令超過 80% 嘴刁貓都肯大啖食肉。

2022 年，我哋更研發出獨家「晶球技術」，將 22 種益生菌封存喺晶球入面，搭配凍乾同優質乾糧，創造出營養同適口性兼備嘅 益生菌凍乾晶球糧！

每款 HeroMama 產品都符合 AAFCO／NRC 營養標準，適合作為全齡貓嘅每日主食。最正嘅係，HeroMama 產品可以直接喺官網買，支援超商取貨付款同送貨上門，仲貼心提供 15 日鑑賞期，畀你買得更放心！

HeroMama 唔係超級英雄，但我哋致力令毛孩食得更好！我哋嘅產品營養豐富、成分單純，仲有多種口味揀，目前仲有「免運優惠組合」，畀你輕鬆體驗！如果你住喺香港或澳門，都可以一鍵下單，快速送到，唔使再周圍撲優質貓糧！

這篇文章為你整理咗 新手養貓須知，如果你想了解更多 HeroMama 產品，可以點擊下方連結購買，或者加入官方 LINE 攞專屬優惠！

👉查看更多 HeroMama 貓咪乾糧

👉查看更多 HeroMama 貓咪主食罐

👉加入官方 LINE 領取專屬見面禮

• https://www.petguard.co.uk/cat-owning-benefits
• https://vervecat.com/getting-started/commit/disadvantages-of-having-cat/
• https://www.psychiatry.org/news-room/news-releases/positive-mental-health-impact-of-pets
• https://heidipet.com/blog/catcost/
• https://www.dogcatstar.com/blog/catspayed/?srsltid=AfmBOorj1nxG-p2_lH0Sor5Az5UYHQsxRdVffxeNqyCbHV-SobYteQSE
• https://www.petmd.com/cat/behavior/signs-cat-is-stressed