但並唔係所有食物都適合狗狗食，如果唔小心畀狗狗食錯有毒物質，輕則引發中毒，重則致命，後果不堪設想！
根據美國 APCC 動物毒物控制中心（Animal Poison Control Center）2023年公布嘅報告，我哋整理出狗狗最容易接觸到嘅毒物來源，為咗狗狗嘅健康，各位主人一定要記住！
延伸閱讀：【2025最新】狗糧推薦懶人包！13 款熱門狗糧挑選指南
（一）人類藥物
如果狗狗食咗人類藥物，可能會引起渴睡、嘔吐、冇胃口等中毒症狀，如果劑量高，更可能導致器官衰竭甚至死亡。所以，主人們一定要將藥物妥善存放喺狗狗接觸唔到嘅地方！
（二）有毒嘅食物及飲品
例如含有木糖醇（Xylitol）嘅香口膠同糖果；含有可可鹼嘅朱古力；含有咖啡因嘅咖啡同茶；仲有提子、洋蔥同大蒜等，呢啲食物都可能引起狗狗中毒，嚴重時甚至致命，絕對唔可以畀狗狗接觸。
（三）家居用品
呢啲產品經常因為一時疏忽冇擺好，導致狗狗誤食後引發灼傷、持續嘔吐，如果冇及時治療，可能會對生命造成威脅！
因此，請務必將呢啲用品收好，唔好畀狗狗接觸到。萬一發生意外，請立即帶狗狗去獸醫診所，並帶埋產品包裝畀獸醫評估，盡早處理先可以確保狗狗安全！
（四）植物、花卉
對狗狗有毒嘅常見花卉有水仙花、鬱金香、杜鵑花等；有毒植物就有蘆薈、夾竹桃、萬年青、姑婆芋(海芋)、金錢樹等。呢啲植物就算只係食到少少汁液或果實，都可能令狗狗中毒死亡！
建議主人唔好喺屋企種植呢啲植物，並且出街散步時要時刻睇實狗狗，避免佢哋亂食路邊唔識嘅野花野草。
狗狗唔食得咩？禁忌食物懶人包！
以下係狗狗嘅禁忌食物清單，如果你打算整鮮食或者餵食零食，一定要避免呢啲食材！
（一）狗狗唔食得嘅水果
提子 (葡萄)
提子對狗狗有劇毒，可能引發急性腎衰竭，少量都可能引起嘔吐、肚瀉，嚴重時可致命。提子乾都唔得！
車厘子 (櫻桃)
車厘子嘅果核含有氰化物，體積細，好易被狗狗成粒吞，對狗狗極度危險，可能導致呼吸困難、心跳過快等問題。
生菠蘿 (生鳳梨)
生菠蘿含有嘅酵素會過度刺激腸胃，可能導致嘔吐或肚瀉。如果要餵，只可以餵少量完全熟透嘅菠蘿。
未熟嘅番茄
未熟嘅綠色番茄同番茄嘅莖葉含有蕃茄鹼，對狗狗有毒，可能引起流口水、渴睡等症狀。
柑橘類果皮
橙皮、檸檬皮等含有精油同酸性物質，對狗狗腸胃有刺激性，可能導致嘔吐。
果核、種子
蘋果、梨、桃、梅等多數水果嘅果核或種子都含有氰化物，對狗狗有毒，誤食後會影響神經系統。餵食水果時，請務必去皮、去核、去籽，只餵果肉部分。
（二）狗狗唔食得嘅蔬菜
洋蔥
洋蔥含有硫化物，對狗狗有毒，會破壞紅血球，引發溶血性貧血，少量已有機會引起不良反應。
大蒜
大蒜同樣含有對狗狗有毒嘅物質，毒性比洋蔥低但都唔應該食，可能引發腸胃不適、溶血性貧血。
蔥
蔥（包括青蔥、大蔥）含有對狗狗有害嘅化學物質，長期食可能會導致貧血。
韭菜
韭菜屬於對狗狗有害嘅植物，可能引起腸胃不適、嘔吐或肚瀉。
辣椒
辣椒含有辣椒素，會刺激狗狗腸胃，引發肚瀉同痛苦。
野生菇類
部分野生菇類對狗狗有劇毒，可能會損害肝臟或腎臟，甚至致命。
蔬菜嘅根莖
有啲植物嘅根莖部分含有毒性，例如薯仔發咗芽嘅部分同莖葉對狗狗有害。
（三）狗狗唔食得嘅肉類
魚生、生肉
魚生同生肉可能含有寄生蟲或沙門氏菌等細菌，狗狗食咗之後容易引發腸胃炎，應餵食完全煮熟嘅食物。
有骨嘅肉類
煮熟後嘅骨頭会變脆，容易裂開成尖刺狀，有機會令狗狗窒息或割傷食道同腸胃，請避免餵食有骨嘅肉類。
（四）狗狗唔食得嘅其他食物
牛油果 (酪梨)
牛油果含有Persin毒素，可能引起狗狗腸胃不適或呼吸困難，應避免餵食。
生雞蛋
生雞蛋可能含有沙門氏菌，而且生蛋白中嘅抗生物素會影響維他命B吸收。
夏威夷果仁 (夏威夷果)
夏威夷果仁對狗狗有毒，可能引發抽搐、嘔吐等神經系統症狀。
朱古力 (巧克力)
朱古力對狗狗極度危險，含有可可鹼同咖啡因，會引發中毒，嚴重可致命。
木糖醇 (Xylitol) 食品
木糖醇係一種代糖，對狗狗嚟講極度危險，會引致血糖急速下降、抽搐，甚至肝衰竭。
未經烘焙嘅麵糰
酵母麵糰會喺狗狗溫暖嘅胃入面膨脹發酵，產生酒精並可能造成中毒同腸道阻塞。
狗狗可以食人嘅食物嗎？遵守3大安全原則！
例如南瓜、甘筍、綠色蔬菜、去骨嘅肉類，只要遵守以下三個原則，並適量餵食，就可以畀狗狗一齊享用！
（一）切成細細粒
記住要清除食物中嘅根、莖、葉、皮及骨頭等硬物，並將食物切成適合狗狗嘅大細，咁樣亦更有利於消化。
（二）必須完全煮熟
餵食前，請確保所有食材都已經徹底煮熟，咁樣先可以保障狗狗嘅腸胃健康。
（三）保持清淡、無調味
過多鹽份會加重腎臟負擔，而糖份則可能引起腸胃不適或肥胖問題。因此準備狗狗食物時，請務必保持食材原汁原味，唔好加任何調味。
[/ux_t
參考資料
https://www.aspcapro.org/resource/top-10-pet-toxins-2023
My Dog Ate My Pills! 10 Most Dangerous Human Medications For Pets
https://www.petmd.com/dog/poisons/plants-poisonous-to-dogs
https://www.petmd.com/dog/nutrition/what-vegetables-can-dogs-eat
https://www.battersea.org.uk/pet-advice/dog-care-advice/toxic-food-dogs
https://www.masterclass.com/articles/can-dogs-eat-sugar