狗狗可以食咩水果？24款狗食得同唔食得嘅水果清單 (附餵飼3大守則)

雖然佢哋個樣好難抗拒，但各位主人要注意，唔係每種水果都可以畀狗狗食，唔小心食錯嘢後果可大可小！餵狗狗食水果前，一定要睇清楚呢篇指南！

想知【狗狗唔可以食咩】可睇：狗狗唔可以食啲咩？21 種易中毒食物、4 大毒素絕對要避免！

1. 狗狗可以食蘋果嗎？

蘋果係狗狗嘅好選擇，富含纖維同維他命C，有助消化同增強免疫力。記住一定要去核去籽，再切成細粒！

2. 狗狗可以食番石榴 (芭樂) 嗎？

番石榴同蘋果一樣富含維他命C同纖維，適量食用能促進腸道健康，但記住要去籽，咁樣食起上嚟先安心！

3. 狗狗可以食藍莓嗎？

藍莓嘅抗氧化成分多，有助維持細胞健康，可以作為狗狗嘅健康小食，但份量唔使多！

4. 狗狗可以食柑 (橘子) 嗎？

少量嘅柑橘類果肉含有豐富維他命C，對狗狗有益。但千祈唔好畀佢哋食到果皮或籽，亦要避免餵太多，因為酸性較高。

5. 狗狗可以食菠蘿 (鳳梨) 嗎？

熟透嘅菠蘿酸甜多汁，含有嘅酵素有助消化，但適量就好，避免刺激腸胃。記得切細粒方便狗狗吞嚥。

6. 狗狗可唔可以食芒果？

可以，芒果富含維他命A同E，對狗狗健康有益。記得要徹底去皮去核，再切細塊適量咁畀狗狗享用。

7. 狗狗可以食紅莓 (蔓越莓) 嗎？

新鮮紅莓對狗狗嚟講係安全嘅，仲富含纖維、抗氧化劑。但唔建議餵人食嘅市售紅莓乾，因為通常糖份太高，甚至可能加咗對狗狗有劇毒嘅木糖醇。

8. 狗狗可以食番茄嗎？

熟透嘅紅色番茄果肉對狗狗嚟講係無毒嘅，只要完全清除晒莖同葉，就可以作為鉀同維他命嘅良好來源。

9. 狗狗可以食柚子嗎？

柚子果肉可以少量餵食，但要特別注意，絕對唔可以畀狗狗接觸到柚子皮，亦唔好用柚子皮幫佢整帽，皮入面嘅精油成分可能引發狗狗皮膚過敏或嘔吐！

10. 狗狗可以食蓮霧嗎？

可以！餵狗狗食蓮霧一樣要去除果核同籽。蓮霧果肉富含維他命同纖維，熱量相對其他水果低，係不錯嘅選擇！

1. 有心臟、腎臟病嘅狗狗不建議：香蕉、奇異果、楊桃

呢幾種水果嘅鉀含量比較多，對於有心臟或腎臟問題嘅狗狗嚟講，可能會加重器官功能負擔，建議有相關病史嘅狗狗要避免！

2. 糖份高要淺嚐即止：西瓜、雪梨 (水梨)、哈密瓜、士多啤梨 (草莓)、覆盆子、木瓜、桃

呢啲水果對狗狗無害，但糖份好高，食太多容易攝取過多糖份，可能引起腸胃不適或肥胖，建議每次只畀一兩粒，當作獎勵小食就夠！

1. 狗狗可以食車厘子 (櫻桃) 嗎？

唔得！車厘子嘅果核含有氰化物，對狗狗有毒，可能引發呼吸困難、心跳加速等症狀，千祈唔好餵！

2. 狗狗可以食提子 (葡萄) 嗎？

狗狗絕對唔可以食提子！提子同提子乾對狗狗腎臟有劇毒，可能引發急性腎衰竭，就算只係食咗一粒都可能致命，務必令狗狗遠離！

3. 狗狗可以食未熟嘅菠蘿嗎？

唔得！未熟嘅菠蘿酸性太高，而且其中含有嘅「生物鹼」可能會刺激狗狗口腔同消化道，造成不適或嘔吐。

4. 狗狗可以食野生莓果嗎？

喺郊外見到嘅不知名野生莓果、漿果，絕對唔建議畀狗狗食，因為好可能對狗狗有毒，為安全起見都係唔好亂餵！

想知【狗狗可唔可以飲牛奶】可睇：狗狗可以飲牛奶嗎？會導致乳糖不耐？正確挑選讓狗狗享受濃醇香！

餵食時亦要切成適合狗狗入口嘅細細粒，等佢哋容易吞嚥，唔會哽親，亦唔會造成腸胃消化不良。

建議餵食前一律要清走所有果核或籽，並丟棄到毛孩搵唔到嘅地方，咁先唔會有誤食風險！

糖尿病嘅狗狗需要控制糖份；腎臟病同心臟病嘅狗狗應避免鉀含量高嘅水果；部分腸胃敏感嘅狗狗亦唔適合食高纖維或太酸嘅水果。

總之，有任何健康問題，都應該由獸醫評估，咁先可以安心幫狗狗揀適合嘅水果種類！