伯恩山犬易唔易養？性格超好但壽命短？優缺點、遺傳病一文睇清

伯恩山犬（Berner Sennenhund）起源於瑞士，係瑞士四大山地犬之一，以前成日被農夫用嚟放牧、守門口、拉車運送貨物，係可靠而且多才多藝嘅工作犬。

隨著時代變遷，養伯恩山犬嘅家庭越嚟越多，佢哋溫柔、忠誠又穩重嘅性格令佢哋成為備受喜愛嘅伴侶犬，如果你想繼續了解，就跟住我哋繼續睇落去啦！

伯恩山犬個性溫和沉穩，雖然體型龐大，卻對人類非常友善，亦係忠誠可靠嘅守護犬。

以下係佢哋嘅主要性格特質：

伯恩山犬忠誠而且親人，鍾意參與日常活動，當屋企人係群體嘅一部分，係最佳伴侶犬之一。

雖然對熟人友善，但對陌生人會保持警覺，如果發現異常情況會用叫聲提醒主人，係出色嘅看門狗。

對小朋友特別包容，就算細路動作稍微粗魯都能溫柔應對，但依然建議喺成人監督下互動。

情緒平穩，唔易因外界刺激而激動，平時安靜唔鍾意亂吠，適合追求安寧生活嘅家庭。

雖然聰明，但有時會有自己嘅諗法，略顯固執，需要耐性及正向獎勵嚟引導。

伯恩山犬聰唔聰明？無錯！伯恩山犬係好聰明、智商高嘅狗狗品種。

佢哋學習力強，能快速理解複雜指令，甚至會判斷指令合唔合理。伯恩山犬服從性佳，適合接受多種訓練，但需要溫和、堅定且一致嘅教育方式。

會建議從伯恩山幼犬期開始早期社會化訓練，這有助於養成穩定良好嘅行為！

厚重毛髮令佢哋唔耐熱，容易中暑，尤其喺香港、台灣等潮濕炎熱氣候中更容易發生熱衰竭。

必須提供陰涼、通風嘅休息環境與充足飲水，外出時避免正午高溫時段，必要時可使用降溫背心或涼墊幫助散熱。

伯恩山犬會全年甩毛，換毛季（春秋兩季）甩毛量特別驚人，每日梳理能有效減少毛髮散落。

建議使用專用梳子，並搭配吸塵機及清潔工具保持居家整潔，部分主人亦會定期帶去專業美容院進行護毛處理。

部分伯恩山犬因臉頰鬆弛會中度流口水，食嘢、飲水後或炎熱天氣時更明顯。

建議主人隨時準備毛巾抹口水，以避免整污糟傢俬或地面，亦能預防皮膚長期潮濕引發細菌感染。

伯恩山犬好黐人，尤其是伯恩山幼犬時期，長時間單獨留喺屋企可能出現分離焦慮，例如吠叫、抓門、咬傢俬等破壞行為。

建議循序漸進咁訓練獨處習慣，提供安全舒適嘅環境及咬合玩具分散注意力，並避免長時間完全無人陪伴。

延伸閱讀：狗狗甩毛食咩好？搭配 3 招皮毛照顧法，改善狗狗嚴重掉毛！

伯恩山犬壽命平均約 7–10 年，較其他同體型犬種稍短。

壽命偏短原因包含大型犬天生嘅生理限制、伯恩山犬遺傳疾病比例高，以及過去被不當繁殖嘅經歷所導致。

常見嘅健康問題包括：

 
• 髖、肘關節發育不全造成跛行疼痛。

 

• 惡性組織細胞肉瘤，多喺 6–8 歲發病。

 

• 腎臟疾病，症狀常於晚期才出現。

 

• 胃扭轉，危及生命需緊急治療。

 

• 進行性視網膜萎縮，可能導致失明。

 

• 甲狀腺功能低下，影響新陳代謝。

 

• 心臟疾病，如擴張型心肌病。

 

• 伯恩山犬皮膚病，如濕疹、過敏性皮炎等。

健康建議：

 
• 定期身體檢查，包括關節、眼睛及心臟篩查。

 

• 控制體重，提供大型犬專用營養配方。

 

• 伯恩山幼犬避免高強度運動減少關節壓力。

延伸閱讀：狗狗皮膚病種類有哪些？痕癢甩毛元兇係佢！6 方法維護皮膚狀況

養伯恩山犬需具備足夠空間、時間與耐性，以下為主要照護要點：

 
• 控制幼犬運動量避免傷害尚未發育完全嘅關節。

 

• 讓佢哋接觸唔同人、環境與聲音，建立自信心與良好行為模式。

 
• 每日至少 1–2 小時戶外活動，包括散步、遊戲或短途行山。

 

• 鍾意遠足、拖車、搜救等活動，避免頻繁跳躍或高衝擊運動以保護關節。

 
• 選擇高品質大型犬專用糧，富含蛋白質及關節保健營養素。

 

• 嚴格控制食量，避免肥胖造成關節及心血管負擔。

 

• 幼犬期注意鈣磷比例均衡，採少食多餐，避免飯後立即劇烈運動。

 
• 每週梳毛 2–3 次，換毛季每日梳理避免打結與甩毛甩到周圍都係。

 

• 定期清潔耳仔、眼睛、牙齒，剪指甲，維持全身清潔。

 

• 沖涼建議依需求進行，且避免過度清洗破壞皮膚油脂層。

延伸閱讀：新手養狗須知：養狗入門準備開支、物品、照顧懶人包全搞懂！

雖然伯恩山犬性格溫和，但體型龐大、運動需求高且易患病，需有足夠時間與經驗嘅主人較適合。

唔太建議。

伯恩山犬體型大且活潑，需要寬敞空間活動，最好有花園或農場環境。

香港/台灣氣候炎熱潮濕不利伯恩山犬生活，如果要養需提供冷氣房、涼爽空間並適當修剪毛髮降溫。

唔惡，天性溫和友善，係細路與家人理想嘅伴侶犬，幾乎無攻擊性。

伯恩山犬好聰明且服從性佳，能快速學習指令，但需耐性與持續正向訓練方式。

伯恩山犬壽命短主要因遺傳疾病比例高、被不當繁殖及大型犬天生壽命較短等因素所致。

 
• https://www.zooroyal.de/magazin/hunde/hunderassen/berner-sennenhund/

 

• https://welpen.vdh.de/hunderassen/rasselexikon/ergebnis/berner-sennenhund

 

• https://www.tierchenwelt.de/haustiere/haustier-hund/2529-berner-sennenhund.html

 

• https://www.zooplus.de/magazin/hund/hunderassen/berner-sennenhund

 

• https://www.fressnapf.at/magazin/hund/rassen/berner-sennenhund/

 

• https://www.purina.de/wahl-eines-haustieres/hunderassen/berner-sennenhund