好多主人都驚蝦、蟹等海鮮會引起自家狗狗過敏，但事實上，呢個係一個好大嘅迷思！
本文將會帶你了解狗狗享用海鮮時，主人應具備嘅正確知識。只要你用啱方法餵海鮮，除咗可以畀狗狗品嚐到唔同嘅美味，仲可以帶嚟非常豐富嘅營養。
（一）狗狗最常見嘅致敏源其實係……
狗狗最常見嘅食物致敏源，其實就係各式各樣嘅蛋白質。因此，只要係含有蛋白質嘅食物，都有可能引起過敏反應。
而根據多項研究顯示，最容易造成狗狗過敏嘅食物係牛肉、乳製品和雞肉。
相較之下，海鮮反而並非狗狗食物過敏嘅主要元兇。
（二）原來係咁！咁餵海鮮係咪更唔易引發食物過敏？
無錯，數據上顯示，海鮮造成狗狗過敏嘅機率，相對於牛肉、乳製品確實低好多。
不過，為咗避免因狗狗之間嘅個體差異而可能導致嘅食物過敏，我哋都建議主人喺準備開始餵狗狗食海鮮之前，應由極少量開始，以觀察有冇過敏反應產生。
二、狗狗可以食魚、食蝦嗎？邊啲海鮮先適合？
（一）海鮮對狗狗嘅營養價值
優質蛋白質來源： 海鮮對狗狗嚟講易於消化，對於食開雞肉、牛肉嘅狗狗嚟講，係良好嘅蛋白質替代品，能提供能量，維持肌肉強壯。
豐富嘅礦物質： 例如鈣、鐵、鋅、鎂同錳，有助於維持骨骼強健、血糖平衡同新陳代謝。
Omega-3 脂肪酸： 有助降低膽固醇，幫助狗狗擁有光澤嘅毛髮同健康皮膚，維持骨骼與牙齒健康。
大量嘅維他命： 魚類含有各式各樣嘅維他命，如維他命 A、B群、D同E，有助增強免疫系統、細胞健康同視力、調節神經系統。
（二）狗狗可以食邊啲魚？
建議以小型、壽命較短嘅魚類為主。
大型魚類（如吞拿魚）壽命相對較長，亦處於食物鏈較高層，長時間落嚟，有害嘅重金屬（如汞）就會喺佢哋體內積存，長期食用可能導致重金屬中毒！
適合嘅魚類： 沙甸魚、鯖魚、三文魚、海白魚、湖白魚、鯡魚、比目魚（龍脷）等。
唔適合嘅魚類： 吞拿魚、旗魚、鯊魚等。
（三）狗狗可以食蝦嗎？會唔會過敏？
可以！好多主人問「狗可唔可以食蝦？」，答案係正面嘅。
蝦所帶嚟嘅營養成分唔會比魚類少，包含蛋白質、維他命、礦物質都可以從中攝取，而且對於狗狗嚟講係較新穎嘅蛋白質來源，可以引起狗狗嘅興趣，減少狗狗吃蝦過敏嘅機會。
（四）狗狗可以食帶子／元貝嗎？
可以！帶子係蛋白質、鎂同鉀嘅絕佳來源。
鎂有助於幫助狗狗順利吸收其他養分；鉀就可以幫助維持神經功能。
（五）狗狗可以食魷魚嗎？
同樣可以！魷魚富含蛋白質同 Omega-3 脂肪酸，以及各式各樣嘅維他命。
三、餵狗狗食海鮮前，必睇5大安全守則！
（一）必須去清魚鱗、魚骨同蝦殼
魚骨、貝殼、蝦殼、蝦尾對於狗狗嘅身體嚟講係硬物，
如果唔小心吞咗落肚可能會哽親，造成窒息，甚至拮穿消化道。
（二）必須徹底煮熟，確保食材新鮮
未經烹煮嘅海鮮可能含有有害細菌（如沙門氏菌和李斯特菌）同寄生蟲，
可能導致肚痾、嘔吐、噁心、肚痛等症狀。
因此喺餵任何海鮮之前，必須確保食材來源新鮮，並將海鮮徹底煮熟。
（三）千祈唔好加任何調味
調味料對人類嚟講可以增添風味，但其中可能含有好多對狗狗有害嘅成分，例如蒜頭、洋蔥、過多嘅鹽或味精，都可能對狗狗健康造成影響。
同時建議用白烚、清蒸等方式烹調，避免油炸，高脂肪食物可能導致狗狗腸胃不適。
（四）由極小量開始，適量餵食
如果你嘅狗狗係第一次食海鮮，無論係邊種，一律建議由極少量開始餵，確定狗狗身體冇過大嘅排斥反應（如肚痾、嘔吐、皮膚痕癢等），再慢慢增加食用份量。
（五）切成細細粒，方便吞嚥