狗狗成日好似除咗瞓覺，就係準備緊去瞓覺咁，呢種行為到底正唔正常㗎？
答案係絕大部份情況下，狗狗長時間瞓覺係非常正常嘅。
狗狗唔似得人類咁有固定嘅日頭同夜晚作息，佢哋習慣分段式嘅淺層睡眠，一日會短暫咁瞓好多次，呢個亦都代表佢哋需要更長嘅時間，先可以得到足夠嘅休息。
不過，都有啲「狗狗係咁瞓覺」嘅異常情況需要主人留意，我哋會由狗狗睡眠嘅常見影響因素、正常睡眠時間，講到可能嘅健康問題，帶你逐一去了解！
狗狗正常睡眠時間係幾多？
狗狗嘅睡眠包括「夜晚長時間睡眠」同「日頭多次短暫睡眠」，時間長短會受年紀、活動量同個別差異影響，不過以下係常見嘅範圍：
- 成犬（成年狗）平均每日睡眠時間係 10～14 個鐘。
- 某啲狗種或者個別狗狗，甚至可以瞓到 20 個鐘。
所以如果你隻狗一日瞓大約 15 個鐘左右，通常都屬於正常範圍，唔使太過擔心。
咩情況下要擔心狗狗係咁瞓？
不過主人依然要留意，如果狗狗係咁瞓覺並且出現以下狀況，就可能需要帶佢去睇獸醫喇：
（一）狗狗突然係咁瞓
當狗狗嘅睡眠時間突然明顯多咗或者少咗，又或者同平時嘅睡眠習慣好唔同，可能係身體唔舒服嘅早期信號。
（二）狗狗無精神係咁瞓
如果狗狗瞓咗好耐，醒咗之後依然睇落無晒精神，連平時最鍾意嘅散步、玩耍都提唔起勁，可能代表佢身體唔舒服或者心理壓力好大。
（三）狗狗係咁瞓唔食飯
狗狗係咁瞓唔想食嘢，甚至連開飯時間都錯過埋，就要懷疑可能係疾病、消化系統或者其他問題搞到佢唔舒服。
（四）狗狗出現行為、身體異常
除咗係咁瞓之外，如果狗狗突然變得鍾意匿埋、焦慮、攻擊性變強，甚至出現大小便、體重或者呼吸異常，可能涉及甲狀腺、心臟、代謝疾病、認知障礙（退化症）等健康問題。
💡小貼士：當你唔肯定狗狗係咁瞓覺正唔正常嗰陣，即刻尋求獸醫協助就最穩陣！
了解【狗狗心臟病】必睇：狗狗心臟病可以活幾耐？分期壽命、症狀，心臟日常照顧指南！
狗狗係咁瞓覺嘅 6 大常見原因
除咗生理、心理異常狀況之外，仲有呢啲原因都可能令狗狗變得特別鍾意瞓覺：
（一）年紀因素
- 幼犬（狗 B）：每日可能需要 18 – 20 個鐘嘅睡眠，因為佢哋仲喺發育成長階段。
- 老狗：隨住年紀越來越大，身體更加容易攰，恢復得亦比較慢，瞓多啲係正常嘅。但如果伴隨迷路、半夜扎醒等情況，就可能係認知障礙（退化症）嘅先兆。
（二）活動量太低或者生活太悶
無咩刺激、缺乏互動嘅狗狗，好容易會用瞓覺嚟打發時間。
（三）環境改變或者心理壓力
搬屋、有新成員加入、自己一個留喺屋企嘅時間變長等，都有可能令狗狗覺得焦慮，繼而變得鍾意瞓覺。
【嚴選】毛掌醫學 狗狗情緒穩定舒壓益生菌 專為容易緊張、焦慮不安嘅狗狗設計，透過日常補充天然營養，幫助狗狗舒緩壓力，喺夜晚放鬆神經幫助入睡！👉 撳我睇產品
（四）天氣太熱
夏天嗰陣，狗狗會用瞓覺嘅方式嚟減低身體活動量，避免中暑。
（五）飲食營養唔均衡
當狗狗長期食啲營養唔均衡嘅食物，可能會進一步導致疲勞同精神唔好。
所以狗糧都要為狗狗好好挑選，例如 狗狗益生菌凍乾晶球糧 根據 AAFCO / NRC 國際營養標準設計，特製益菌晶球將益生菌注入新鮮雞肉，令狗狗日常就可以補充所需營養！👉了解更多
（六）體重過重、無做運動
肥胖或者比較懶嘅狗狗更加容易覺得攰，自然就會瞓得比較多。
了解【狗狗一日食幾多餐】必睇：狗一日食幾多餐？幼犬、成犬、老狗完整餵食頻率指南
狗狗鍾意瞓覺係正常，但有變化就要留神！
如果狗狗只係單純鍾意瞓覺，精神、胃口同行為都保持正常，主人就可以放心。但如果出現明顯變化，例如無晒精神、胃口變差、行為異常，就需要特別關注。
畢竟睡眠質素唔單止影響狗狗嘅情緒同行為，亦同佢哋嘅健康同壽命息息相關。如果你發現有任何唔妥，唔好猶豫，即刻去諮詢獸醫，畀佢最適合嘅照顧啦！
參考資料
- https://www.adaptil.co.uk/blogs/news/a-poochs-point-of-view-why-does-my-dog-sleep-so-much?srsltid=AfmBOoqAyGoWCN0WTvvqKhs3jxZtTZACT1dxXx4NQEfIP-0nrLftVmXO
- https://www.thesprucepets.com/why-dogs-sleep-so-much-4178938
- https://thevets.com/resources/pet-health-care/why-do-dogs-sleep-so-much/
- https://www.petmd.com/dog/general-health/how-many-hours-does-dog-sleep-day
- https://www.akc.org/expert-advice/health/why-do-dogs-sleep-so-much/