聖班納狗好養嗎？香港主人必睇：深入分析性格、常見病、壽命及照顧懶人包

嚟自瑞士阿爾卑斯山嘅聖班納犬（Saint Bernard dog），係一種體型極之龐大、但性格溫和嘅狗狗品種。

聖班納犬曾經係修道院中嘅搜救犬，靠住卓越嘅嗅覺同驚人體力，掛住標誌性小酒桶喺嚴酷雪地中拯救迷路旅客，因此獲得「山難神犬」、「溫柔巨犬」嘅稱號。

想知聖班納有咩外觀特徵、個性亮點、照顧重點同健康挑戰？繼續睇落去，等我哋一次過話你知飼養聖班納嘅關鍵資訊。

聖班納同伯恩山犬 (Bernese Mountain Dog) 成日被撈亂，因為兩者都係嚟自瑞士、毛髮濃密嘅大型犬，但其實由外觀同體型上都有明顯分別。

以下 3 大重點，幫你一眼分清楚：

延伸閱讀：伯恩山犬完整介紹：特徵、個性、壽命、照顧建議一次看

聖班納雖然體型巨大，但性格極之友善同穩定，有以下嘅特質：

聖班納天生就鍾意同人一齊，亦大多可以同其他寵物和平相處，尤其由細做好社會化嘅話會更加融洽。

聖班納個性溫和沉着，唔易受驚或緊張，可以冷靜面對突發狀況。佢哋通常都唔會亂咁吠，係屬於非常穩定嘅狗狗品種。

聖班納可以同唔同年紀嘅人相處，尤其天生對小朋友好有耐性，可以耐心陪伴玩耍，但始終體型龐大，要小心唔好撞親小朋友。

聖班納嘅智商雖然唔似邊境牧羊犬咁出名，但佢哋喺工作同家庭生活中都展現出不容忽視嘅聰明才智。

 
• 學習能力佳：聖班納可以好快學識基本指令同日常規矩，尤其用正向獎勵訓練效果最好。

 

• 工作導向強：佢哋天生具備服務同合作嘅傾向，以前做搜救犬時，展現咗極強嘅嗅覺、方向感同應變能力。

 

• 鍾意討好主人：聖班納有討好主人嘅傾向，呢種特質令佢哋更願意配合訓練，係大型犬中相對容易教嘅品種之一。

不過，由於佢哋天性溫和、動作比較慢，有時會令人誤會佢哋反應慢，其實佢哋只係用緊自己嘅節奏去觀察同理解世界。

雖然聖班納以穩重親人嘅特質深受喜愛，但亦有啲飼養上唔可以忽視嘅挑戰。以下列出主人喺考慮飼養前應注意嘅潛在缺點：

 
• 打理需求極高：聖班納需要大量時間投入照顧、清潔同訓練。

 

• 全年瘋狂甩毛：無論係咪轉季，聖班納都會持續甩毛，甩毛量極之驚人，主人要有心理準備成屋都係毛。

 

• 嚴重流口水：因為嘴唇構造，聖班納流口水嘅情況非常普遍，一Fing頭就可能搞到周圍都係，要頻繁清潔。

 

• 極度怕熱：厚毛加大體型，令佢哋對高溫好敏感。喺香港飼養，夏天必須長開冷氣，避免中暑。

 

• 空間需求極大：體型巨大，絕對唔適合住喺細單位。就算屋企夠大，都一定要每日出街活動。

 

• 鍾意掘地：佢哋保留咗搜救犬嘅本能，鍾意掘嘢，如果冇適當發洩精力，可能會破壞屋企。

 

• 訓練唔可以懶：體型龐大意味住行為控制極之重要。如果由細冇教好，大個咗興奮起上嚟好易撞親人，尤其唔可以縱容佢哋養成撲人嘅習慣。

一般嚟講，聖班納絕對唔推薦畀完全冇經驗嘅新手主人。

雖然佢哋個性溫和又聽話，但龐大嘅體型、驚人嘅食量、甩毛同流口水問題，以及對空間同運動量嘅高度需求，都需要有一定飼養經驗同耐性先應付到。

但如果你已經做足功課，有穩定生活、足夠空間同時間去照顧同訓練，聖班納依然可以成為你人生第一隻狗，並帶畀你深厚嘅情感連結！

延伸閱讀：【新手養狗】養狗入門準備懶人包：由洗費、用品到照顧全攻略！

如果你已經準備好做聖班納嘅主人，咁以下嘅飼養建議一定要好好睇，幫你打造一個對佢友善、舒適又健康嘅屋企！

 
• 餵食大型犬專用糧，並按年齡分配（幼犬、成犬、老犬）。

 

• 分餐餵食（每日2–3次），減低胃扭轉風險。

 

• 用慢食兜同提供新鮮飲水。

 

• 嚴格控制體重，避免肥胖影響關節同心臟。

 
• 聖班納甩毛量極大，轉季時（春秋）要每日梳毛，平時亦建議每星期梳幾次。

 

• 每月沖涼一次，敏感皮膚要諮詢獸醫。

 

• 每日清潔口水同眼部皺褶，保持乾爽，預防皮膚感染。

 

• 耳仔、牙齒同指甲都要定期清潔同修剪。

 
• 每日需要至少一個鐘嘅活動量（散步＋玩耍）。

 

• 適合喺涼爽天氣活動，避免喺正午高溫時出街。

 

• 鍾意輕鬆行山、嗅聞遊戲。

 

• 空間需求高，唔適合長期困喺細單位。

 
• 體型龐大，一定要由細個開始建立基本服從訓練。

 

• 推薦參加幼犬訓練班，建立良好嘅社會化經驗。

 

• 用正向獎勵法（食物、讚美）訓練效果最好。

聖班納嘅平均壽命約為 8 至 10 年，相比中小型犬種比較短。

如果想聖班納健康快樂咁陪你耐啲，咁接下來呢啲潛在健康問題同預防方法，你就一定要知：

聖班納常見嘅遺傳病之一，主要係髖關節無法完全嵌合，長遠會導致關節炎。

常見症狀包括跛腳、行路姿勢異常、痛楚或活動力下降。獸醫可能會建議控制體重、補充關節保健品、安排物理治療，嚴重時可能要手術處理。

由於聖班納係胸腔深嘅大型犬，特別容易發生胃扭轉。

呢個係致命嘅急症，當個胃充滿氣體或食物後扭轉，會阻斷血液流動，導致器官壞死。

症狀包括肚脹、乾嘔（想嘔但嘔唔出）、坐立不安、過度流口水。一發現類似情況務必立即送急症。

預防方法：

 
• 每日分 2-3 餐餵食，避免一次食太多。

 

• 食飽後兩小時內唔好做劇烈運動。

 

• 使用慢食兜。

聖班納容易患上擴張性心肌病 (DCM)，心臟肌肉逐漸變薄、無力，導致心臟無法有效泵血，嚴重時可能引發心衰竭或猝死。

如果出現呼吸急速、咳、運動耐力下降，應盡快求醫。

建議定期進行心臟聽診同超聲波檢查，及早發現異常。

由於面部同身體有明顯皺褶，加上耳仔耷落嚟，聖班納特別容易喺皮膚摺痕位出現發炎、細菌感染。

日常應定期用濕布清潔面部同皺褶位，並保持乾爽；沖涼頻率唔可以太高，要揀溫和嘅沖涼液。

聖班納源自雪山，極度怕熱。喺香港呢啲高溫潮濕嘅地區，夏天飼養要特別留神中暑風險。

常見症狀包括勁喘氣、心跳加快、冇精神、行路唔穩，甚至抽搐同昏迷，要即刻降溫同送院。

預防方法：

 
• 散步揀清晨或黃昏。

 

• 室內一定要保持涼爽、通風，長開冷氣。

 

• 夏天避免長時間出街或劇烈活動。

A：一般唔太建議，因為聖班納嘅力量、空間、金錢同照顧需求都非常高，需要有經驗、有耐性嘅主人先可以駕馭。

A：主要差喺毛色同體型。

聖班納係白底配紅啡色斑塊，體型係「巨型犬」；伯恩山係黑底配啡白三色，體型係「大型犬」，比聖班納細一個碼。

A：唔一定，但要視乎情況。 根據香港法例，聖班納並唔屬於「格鬥狗隻」。但法例亦規定，體重20公斤或以上嘅「大型狗隻」喺公眾地方必須用唔超過2米長嘅狗帶牽引，或佩戴口罩。簡單嚟講，如果你用長過2米嘅繩，或者想放繩，就必須戴口罩。

聖班納喺香港並唔常見，繁殖犬舍亦非常少。有興趣嘅準主人，強烈建議優先考慮 「以領養代替購買」。

領養唔單止可以畀一隻狗狗有第二個家，亦可以減少買賣帶嚟嘅問題。建議主人決定飼養前，不妨先到本地嘅領養機構查詢：

香港常見領養管道參考：

 
• 愛護動物協會 (SPCA)

 

• 漁護署 (AFCD) 動物領養計劃

 

• 救狗之家 (HKDR) 及其他大型動物救援組織

如果堅持購買，一隻血統純正嘅聖班納BB，價錢一般由 HK$30,000 起跳，甚至更高，而且多數需要由外國訂購。

A：無論係聖班納幼犬、成犬定老犬，都需要營養滿分嘅主食，先可以維持身體機能同健康！

HeroMama 透過記錄超過百隻毛孩嘅飲食偏好，研發出既美味又健康嘅配方，唔單止能夠提供狗狗需要嘅營養，亦滿足到唔同年齡揀嘴毛孩嘅需求。

2023 年推出嘅 犬用益生菌凍乾晶球糧，利用獨家晶球技術，將 22 種益生菌包喺晶球入面，再同乾糧混合，令毛孩體驗「晶球＋凍乾＋乾糧」嘅完美結合，無論營養定適口性都大大滿足。

2024 年推出嘅 天然蔬果肉鬆糧，每粒乾糧都均勻包住無調味肉鬆，再加入天然凍乾蔬果營養配方，令狗狗啖啖都係滿滿嘅美味同滿足感。

HeroMama 狗狗乾糧嘅優點：

 
• 根據 AAFCO/NRC 營養標準製作：每款主食都根據專業營養標準製作，適合各年齡層嘅狗狗作為每日主食。

 

• 方便嘅購物體驗：你可以直接喺官網購買，我哋提供便利店取貨付款或送貨上門等多種方式。

 

• 顧客保障：我哋提供 15 天購物信心保證，令顧客買得更放心。

港澳地區嘅朋友都可以輕鬆一鍵下單直送到府上，購物超方便！想了解更多 HeroMama 嘅狗狗乾糧，快啲點擊下方連結或加入我哋嘅官方 LINE，領取好友見面禮啦！

想知道【狗糧推薦】可睇：【2025 最新】狗糧推薦懶人包！13 款熱銷狗糧挑選指南

 
• https://www.petmd.com/dog/breeds/rottweiler

 

• https://www.akc.org/dog-breeds/rottweiler/