西高地白爹利好養嗎？香港主人必睇：深入分析「西莎」性格、常見病及美容護理

西高地白爹利常被暱稱為西高地、白爹利或 Westie，係嚟自蘇格蘭嘅小型爹利犬，最早喺 17 世紀被培育用嚟捉狐狸、老鼠等，1907 年英國犬業俱樂部正式承認呢個品種，並逐漸受到全球喜愛。

如果你想更了解西高地白爹利嘅魅力，而家就跟住我哋繼續睇落去啦！

喺訓練方面，儘管間中會顯得有啲固執，但西高地對正向獎勵特別受落，例如用零食、讚美或遊戲作為鼓勵，可以幫佢哋更快學識指令。

西高地亦好適合參加需要用腦同郁動嘅活動，唔單止可以畀佢哋「放電」，亦能滿足佢哋嘅探索慾，令佢哋更開心、更穩定。

如果冇足夠運動或刺激，佢哋亦可能因為悶而不停吠，需要適當訓練同轉移注意力，先有助減少呢類情況。

透過每日安排遊戲時間、散步同益智玩具，可以畀佢哋精力有地方發洩，亦能減低呢啲不良行為嘅發生。

如果被獨自留喺屋企太耐，佢哋可能會因為焦慮而吠叫、亂咬嘢或坐立不安，建議主人要畀足夠時間陪伴。

佢哋外型雖然相似，但性格同照顧需求其實好唔同。以下幫大家整理出成日同西高地搞亂嘅兩個品種：「摩天使」同「白色史納莎」，等你快速掌握點樣分！

延伸閱讀：摩天使品種介紹｜外型特徵、個性、常見疾病與營養飼養全攻略

延伸閱讀：史納莎好養嗎？迷你同標準史納莎差喺邊？個性、照顧重點一次睇！

不過要注意嘅係，佢哋雖然親人，但都有爹利犬特有嘅獨立同固執，即係話訓練時要有耐性、方法要一致。

佢哋並唔係「低維護」嘅狗狗，需要定期梳毛、剪毛，同埋每日都要有足夠嘅活動量同遊戲時間。

但如果你願意花時間陪佢、肯學習點樣正確照顧一隻活潑又有個性嘅狗，咁西高地白爹利將會非常適合你！

接下來就提供大家「西高地白爹利飼養指南」，幫各位更加了解佢哋嘅需要！

延伸閱讀：【新手養狗】養狗入門準備懶人包：由洗費、用品到照顧全攻略！

以下整理嘅重點必睇：

 
• 梳毛建議：每星期至少梳毛 2–3 次，有啲主人甚至建議每日輕刷，避免打結。

 

• 沖涼頻率：大約每 4 星期沖一次涼就夠，避免洗得太密搞到皮膚太乾或敏感。

 

• 美容修剪：建議每 4–6 星期進行一次修剪或專業美容（有啲會用手拔毛方式）。

 

• 基本清潔：包括每日刷牙、定期清耳仔、剪指甲，可以有效預防牙石同感染。

飲食要符合以下基本營養標準：

 
• 揀啱主食：建議揀根據 AAFCO/NRC 國際營養標準設計嘅優質狗糧。

 

• 餵食次數：成犬每日分 2 餐餵食，幼犬就應每日 3 餐，避免低血糖。

 

• 控制熱量：避免餵食過量或任食，可能會導致肥胖同代謝問題。

 

• 營養補充：如果有皮膚過敏、關節問題，可以考慮添加魚油、葡萄糖胺等保健品，但要先諮詢獸醫。

以下列出西高地白爹利常見嘅健康問題：

呢個病會令狗狗係咁R痕、舔毛，甚至導致皮膚紅腫、甩毛或感染，所以主人平時要特別留意佢哋有冇成日R痕或舔同一個位。

呢種癌症初期可能表現為輕微血尿或屙尿有困難，但症狀成日被誤以為係普通尿道炎，容易延誤治療。

如果出現頻密想屙尿、屙尿時好似好痛，或尿中帶血，建議盡快帶狗狗求醫檢查。

會導致下顎同頭骨異常增生，令狗狗出現食嘢困難、咬合唔正、流口水同疼痛等症狀。

如果幼犬食飯時表現到唔願食或咬唔到，應盡早求醫。

如果冇及時處理，可能會造成長期關節磨損同關節炎。維持適當體重同適量運動，有助減低發生風險。

西高地屬於乾眼症高風險犬種，如果佢哋成日瞇眼、流眼水或用手R眼，就可能係前兆。

呢個病會造成呼吸困難、咳同運動耐力下降，如果你發現佢哋成日喘氣或者唔願郁，記得帶去檢查。

早期症狀可能包括行路唔穩、頭部震顫或四肢無力，隨住病情發展，狗狗可能會逐漸失去行動能力，必須特別注意！

只要由細個開始建立良好嘅照顧習慣，相信西高地白爹利將會陪你快樂咁度過好多美好時光！

 
• https://www.thekennelclub.org.uk/search/breeds-a-to-z/breeds/terrier/west-highland-white-terrier/

 

• https://www.pdsa.org.uk/pet-help-and-advice/looking-after-your-pet/puppies-dogs/small-dogs/west-highland-white-terrier

 

• https://westieclubamerica.com/

 

• https://www.akc.org/dog-breeds/west-highland-white-terrier/

 

• https://www.purina.co.nz/find-a-pet/dog-breeds/west-highland-white-terrier