貓放屁係咪正常？點解會咁臭？貓咪放屁成因及健康警號

你試過喺房入面聞到一陣怪味，轉過頭淨係見到隻貓一臉無辜咁望住你？原來貓貓都會放屁㗎！

貓貓同人類一樣，會放屁係正常嘅生理現象。貓貓放屁可能係因為腸胃道積聚咗氣體，亦可能係因為吞咗啲空氣落肚、食物消化過程產生嘅副產品，或者腸道細菌發酵而產生嘅氣體。

貓貓放屁多數都係無聲嘅，因為佢哋屁股嘅皮膚比較柔軟，令到屁聲無咁明顯，但當「貓放臭屁」就一定要特別注意喇！

我哋會帶你一次過搞清楚貓放屁嘅原因同改善方法，幫大家了解吓自家貓貓嘅腸胃狀況～

【益生菌晶球夾心糧】高蛋白質、低碳水，好啱消化機能比較弱嘅貓貓！👉撳我了解

因為貓貓係肉食性動物，放屁陣味自然會比食草動物重，但如果放屁放得好密、臭味特別濃烈（有時好似臭雞蛋味咁），就可能同以下幾種問題有關：

 
• 食得太快：貓貓食嘢太快會吞埋啲空氣落肚，加上啲嘢食未完全消化，好容易喺腸道發酵產生氣體，搞到放臭屁。

 

• 食物不耐症或者敏感：好似有乳糖不耐症嘅貓貓食咗奶類製品之後，經常會出現胃氣脹、肚屙同放臭屁，其他致敏原亦可能引起類似反應。

 

• 攝取太多高纖維：某啲蔬菜或者穀物纖維含量高，食得太多容易搞到腸道發酵，產生異常氣體。

 

• 劣質或者難消化嘅貓糧：加咗太多穀物、人工添加劑嘅乾糧會增加消化負擔，產生有異味嘅氣體。

 

• 食物變壞：食到唔新鮮或者過期嘅嘢食，好容易引發腸胃唔舒服同異常放屁。

 

• 轉糧轉得太急：無經過過渡期就直接轉新糧，會擾亂腸道微生態（菌叢），造成放屁、肚屙等問題。

 
• 消化不良：貓貓嘅腸胃比較敏感，如果嘢食未完全消化，喺腸道入面會被細菌過度發酵，產生大量氣體，搞到係咁放臭屁。

 

• 嚴重腸胃疾病：可能係腸胃炎、吸收不良或者細菌感染等問題，例如炎症性腸病（IBD）、腸道吸收不良、腸道感染等。

 

• 其他潛在病因：包括胰臟炎、腎臟或者肝臟功能異常、腸道阻塞、肛門構造異常，甚至腸道腫瘤，都有可能導致腸道消化功能失衡，進而產生異常氣體。
  

💡伴隨症狀要注意： 如果貓貓出現持續性胃氣脹、肚痛、肚屙（軟便）、便秘、嘔吐、無晒胃口、體重下跌或者成日瞓覺（嗜睡）等情況，建議盡早帶佢去睇獸醫診斷同治療。

幼貓（貓 B）特別容易受到腸道寄生蟲感染，呢啲寄生蟲會干擾腸道正常運作，搞到嘢食無法完全消化，從而引起胃氣脹、肚屙同行密密放臭屁。

如果貓貓成日放屁、臭味又特別明顯，主人可以由日常生活中做啲調整，幫貓貓減少唔舒服，慢慢恢復腸道健康。以下提供幾種實用嘅方法：

由飲食入手係改善貓貓放臭屁最有效嘅方法之一。

 
• 揀高蛋白、低碳水，而且無額外添加人工色素、防腐劑嘅高質貓糧，幫助維持腸道健康。👉【益生菌晶球夾心糧】達到超高蛋白、低碳水需求， 0% 穀物低敏配方，好啱腸胃敏感嘅挑嘴貓！（撳我了解）

 

• 用慢食碗減慢佢進食嘅速度，減少吞空氣落肚，降低腸胃脹氣嘅風險。

 

• 如果貓貓有乳糖不耐症或者其他食物敏感，應該避免餵奶類製品或者可能引起唔舒服嘅食材。

 

• 轉糧嗰陣應該採用 7 – 10 日漸進式溝糧嘅方法，等腸道微生態有時間適應，減低唔舒服嘅風險。

 

• 留意食物係咪新鮮，避免餵變壞或者過期嘅貓糧，以防腸胃炎。

與其每日餵一餐大份量嘅貓糧，不如採用少食多餐嘅方式，等消化系統唔會一下子負擔過重，有助氣體穩定排出。

如果貓貓持續放臭屁或者出現其他異常症狀（例如胃口變差、嘔吐、個肚脹卜卜等），建議盡早帶去獸醫診所檢查，並定期安排 body check 追蹤身體狀況，咁先可以及早排除潛在疾病。

腸道寄生蟲係搞到幼貓放臭屁嘅常見元兇之一，就算係成貓，如果長期無杜蟲，都可能因為寄生蟲搞到腸胃唔舒服。

如果貓貓長期無杜蟲，情況可能會更加嚴重，甚至影響營養吸收同生長發育。所以定期杜蟲亦係預防腸道問題同放臭屁嘅重要關鍵！

可以喺獸醫指導下，揀啱貓貓食嘅益生菌或者消化酵素，幫助維持腸道微生態平衡同促進食物分解，幫手維持消化道機能暢通。

【益生菌晶球夾心糧】高蛋白質、低碳水，好啱消化機能比較弱嘅貓貓！👉撳我了解

適當嘅運動可以促進腸胃蠕動，幫氣體自然排走。

可以透過逗貓棒或者定時同佢玩，增加貓貓嘅活動量，促進整體腸胃健康。

如果屋企養咗多過一隻貓，應該提供獨立嘅食飯空間，避免貓貓因為搶食而食得太快，造成消化不良或者吞咗啲風入去。

安靜、有安全感嘅進食環境有助消化暢順，亦可以減低放臭屁嘅頻率。

貓貓間中放屁係正常而且唔需要擔心嘅現象，但如果陣味明顯變重、放得密咗，甚至伴隨肚屙、胃氣脹或者其他健康異樣，就可能暗示腸胃出咗事。

透過調整飲食內容、改善食飯習慣、補充腸道保健品同埋定期做身體檢查，都可以有效減少貓貓放臭屁嘅煩惱。

記住留意貓貓嘅日常變化，及早發現唔妥，先可以守護佢哋嘅腸道健康同生活質素呀！

貓屎都可以睇到健唔健康？從便便顏色、外觀 2 分鐘檢測貓咪腸胃

貓咪軟便時好時壞點算好？睇懂 7 種便便形狀，搵出主子腸胃唔穩定嘅真相！

貓咪屙屎有血點算好？貓血便原因、觀察與處理全解析

貓狗大便狀態分析圖，圖解各種便便可能原因？屎藏潛在問題？

 
• https://noblevetclinic.com/blog/do-cats-fart-explaining-cat-gas

 

• https://thevets.com/blog/do-cats-fart/

 

• https://www.petmd.com/cat/general-health/do-cats-fart

 

• https://www.thesprucepets.com/why-do-cats-fart-554763

 

• https://www.webmd.com/pets/cats/cat-flatulence-gas